कोशिशद्धारा धादिङमा मानसिक स्वास्थ्य सम्बन्धि दुई दिने अभिमुखिकरण कार्यक्रम संचालन
धादिङका योग साधना केन्द्रहरुमा स्वास्थ्य जाँच तथा मटुरोग बारे परामर्श
पोखरा जाँदै गरेको माइक्रोबस नुवाकोटमा दुर्घटना, १२ जना घाइते
राष्ट्रिय शिक्षा दिवसमा नीलकण्ठमा हाजिरी जवाफ प्रतियोगिता,विभिन्न विधामा उत्कृष्ट अंक ल्याउने विद्यालय र विद्यार्थी सम्मानित(नाम सहित)
धादिङबेसीको लखन थापा पार्कमा सालकको मूर्ति स्थापनाः संरक्षणको नयाँ प्रयास
नागढुङ्गा सुरुङमार्ग नजिकै लेदो खसेर सडक अवरुद्ध, वर्षा जारी रहेकाले लेदो पन्छाउन समस्या
चितवन, २ असोज : नेपाली कांग्रेस चितवनले जिल्लाका सातै पालिकामा सात वाटिका निर्माण एवं व्यवस्थापन गर्ने भएको छ । ‘सात पालिका सात वाटिका’ अभियान सञ्चालन गरी पार्टीमा महत्वपूर्ण योगदान पुर्याएका नेताहरुको नामबाट सात पालिकामा सात वाटिका निर्माण गर्न लागिएको हो ।
जिल्ला सभापति राजेश्वर खनालका अनुसार माडी नगरपालिकामा गणेशमान स्मृति दिवसको अवसर पारेर आज गणेशमान सिंह स्मृति वाटिका शुभारम्भ गरिएको छ । माडी–५ मा करिब दुई बिघा क्षेत्रफलमा उक्त वाटिका निर्माण सुरु गरिएको उहाँले जानकारी दिनुभयो ।
सभापति खनालले भरतपुर महानगरपालिकामा बिपी शान्ति नगर वनलाई व्यवस्थित गरेर सोही वाटिकालाई व्यवस्थित गरिने बताउनुभयो । रत्ननगरमा सुशील कोइराला स्मृति पार्क, खैरहनीमा शुवर्णशमशेर वाटिका, राप्तीमा गिरिजाप्रसाद कोइरालापार्क, कालिका नगरपालिकामा किसुनजी वाटिका र ईच्छाकामना गाउँपालिकामा शैलजा आचार्य स्मृति पार्क बनाउने योजना रहेको उहाँले जानकारी दिनुभयो ।
खनालका अनुसार स्थानीय तहसँग उपयोग नभएर बसेका उपयुक्त जग्गा माग गरी आर्थिक सङ्कलनमार्फत पार्क निर्माण गरिँदै छ । माडीमा गणेशमान सिंहको नाममा प्रतिष्ठान गठन गरिएको छ भने अन्य पालिकामा नेपाली कांग्रेस चितवनअन्तर्गत रहने गरी दर्ता गरिएको सान्दाजु स्मृति प्रतिष्ठानमार्फत् वाटिकाको निर्माण र संरक्षण गरिने योजना रहेको उहाँले उल्लेख गर्नुभयो ।
