चिल्ड्रेनपार्क माविमा वक्तृत्वकला प्रतियोगिता सम्पन्न

धादिङ,२६ साउन
चिल्ड्रेनपार्क आवासिय माध्यमिक विद्यालयमा तहगत रुपमा वक्तृत्वकला प्रतियोगिता सम्पन्न भएको छ। विद्यालयको शैक्षिक कार्यपात्रो अनुसार कक्षा ३देखि ९ सम्मलाई तीन तहमा विभाजन गरी वक्तृत्वकला कार्यक्रम सम्पन्न भएको प्रिन्सिपल षष्टि कुमार श्रेष्ठले जानकारी दिनुभयो । विद्यालयको छुट्टाछुट्टै ठाउँमा कार्यक्रम सञ्चालन गरिएको थियो ।

जसमा कक्षा ३ र ४का विद्यार्थीले (हाम्रा रमाइला चाडपर्व ) शीर्षकमा वक्तृत्वकला प्रतियोगिता सम्पन्न भएको हो । यसैगरी कक्षा ५र ६ का विद्यार्थीको लागि (असल र सफल जीवनका लागि शिक्षा) शीर्षकमा वक्तृत्वता प्रतियोगिता सम्पन्न भएको हो । कक्षा ७, ८ र ९का विद्यार्थीले (समृद्ध नेपाल सुखी नेपाली) शीर्षकमा प्रतियोगिता सम्पन्न भएको हो । प्रतियोगितामा प्रथम,द्धितिय र तृतीय हुने विजेता विद्यार्थीहरुलाई पुरस्कृत गरीएको थियो ।