पब्लिक क्याम्पस प्राध्यापक संघ नेपाल नीलकण्ठ एकाइको अध्यक्षमा बद्री प्रसाद कोइराला निर्वाचित

धादिङबेशी । पब्लिक क्याम्पस प्राध्यापक संघ नेपाल नीलकण्ठ बहुमुखी एकाइ समितिको अध्यक्षमा बद्री प्रसाद कोइराला निर्वाचित हुनुभएको छ । शनिबार सम्पन्न नीलकण्ठ एकाइ समितिको सातौ अधिवेशनबाट कोइरालाको अध्यक्षतामा ९ सदस्यीय समिति निर्वाचित गरेको हो ।

निर्वाचित समितिको उपाध्यक्षमा डमरु खतिवडा, सचिवमा नवराज सापकोटा, कोषाध्यक्षमा नमनिता नेपाल निर्वाचित हुनुभएको छ । त्यसैगरी सदस्यहरुमा दिपेन्द्र रिजाल, प्रयास रेग्मी, शिवराज खनाल, रोहीणी प्रसाद कोइराला रहनुभएको छ ।