प्रथम ज्वालामूखी गाउँपालिका अध्यक्ष कप फुटबल प्रतियोगिता सुरु

धादिङबेशी । प्रथम ज्वालामूखी गाउँपालिका अध्यक्ष कप फुटबल प्रतियोगिता आजदेखि सुरु भएको छ । ज्वालामूखी– ६, चित्रेकालिका खेलमैदानमा आजदेखि फुटबल प्रतियोगिता सुरु भएको हो ।

प्रतियोगिताको उद्धघाटन समारोहमा बोल्नुहुँदै ज्वालामुखी गाउँपालिकाका अध्यक्ष यमनाथ दनैले ज्वालामुखी गाउँपालिकाबाट जिल्ला हुँदै देश बिदेशका लागी खेलाडीहरु उत्पादन गरेर राष्ट्रमा ज्वालामुखी गाउँपालिकाको नाम राख्न सकुन भन्ने उदेश्यले प्रतियोगिता आयोजना गरिएको बताउनुभयो । उहाँले आगामी आर्थिक वर्षमा अन्तरपालिका, अन्तर स्थानिय तह स्तरको बिचमा पनि यस्तै प्रतियोगिता गरेर अग्रस्थान हासिल गर्ने गरी प्रतिस्पर्धा गर्नको लागि आग्रह गर्नुभएको छ ।

समृद्ध ज्वालामुखी बनाउनको लागि पुर्वाधार विकास मात्र नभएर सबै तह र सबै पक्षको विकास आवश्यक पर्ने गाउँपालिकाका उपाध्यक्ष धर्मबहादुर अर्यालले बताउनुभयो । प्रतियोगिताबाट विभिन्न वडाका खेलाडीहरुबिच परिचय हुने, साथित्व, सद्धभाव र भातृत्वको विकास हुने भन्दै शारिरीक स्वास्थ्यमा समेत मद्धत पुग्ने बताउनुभएको छ ।

उद्घाटन समारोहमा सम्बोधन गर्दै ज्वालामुखी गाउँपालिका खेलकुद क्षेत्रकोे विकास, प्रवद्र्धन र विस्तारको लागि प्रतिबद्ध रहेको प्रमुख प्रशासकिय अधिकृत सुमन पण्डितले बताउनुभयो । खेलाडीहरु देशको गहना भएकोले संरक्षण र सम्वद्र्धन गर्नुपर्ने उहाँको भनाइ छ ।

प्रतियोगितामा ७ वटै वडाका १५ टिमको सहभागिता रहेको छ । प्रतियोगिताको प्रथम पुरस्कार १ लाख ५ हजार, द्वितिय पुरस्कार ७५ हजार, तृतिय पुरस्कार ४० हजार रहेको छ भने उत्कृष्ट खेलाडी, उत्कृष्ट गोलरक्षक, उत्कृष्ट डिफेण्डर, सर्वाधिक गोल कर्तालाई जनही ८–८ हजार पुस्कार प्रदान गरिने छ । आजदेखि सुरुभएको प्रतियोगिता २७ गतेसम्म संचालन हुनेछन् ।