अखिल क्रान्तिकारीद्धारा आयोजित नीलकण्ठ कबड्डी कप सकियो

धादिङबेशी । धादिङबेसी स्थित कर्भड हलमा भएको २ दिने नीलकण्ठ क्याम्पस कबड्डी कप २०८० सम्पन्न भएको छ । ने.क.पा. माओवादी निकट अखिल क्रान्तीकारी नीलकण्ठ बहुमुखी क्याम्पस ईकाई कमिटीकोे आयोजनामा सञ्चालन भएको ‘नीलकण्ठ कबड्डी कप २०८०’को शनिबार समापन भएकोे हो ।

नीलकण्ठ नगरपालिकाको नगर उपप्रमुख दिपक विश्वकर्माको प्रमुख आतिथ्यता तथा नीलकण्ठ बहुमुखी क्याम्पसका क्याम्पस प्रमुख नवराज शर्माको विशेष आतिथ्यतामा कार्यक्रम सम्पन्न भएको हो ।

प्रतियोगितालाई भैरबी खनाल श्रेष्ठ मोटर ड्राइभिङ सेन्टर (माले बगर) र एपोष्टल एकेडेमिक बोर्डिङ स्कुल (निलकण्ठ – ०४) ले प्रायोजन गरेको थियो ।

प्रतियोगितामा नीलकण्ठ माध्यमिक विद्यालयका सुमन शाक्य, अनिल वि.क.,रोशन मगर, प्रमोद श्रेष्ठ,महेश लामा,रुपक शाक्य,सुशिल गुरुङ र निखिल सुनारको समुह प्रथम भएको छ । प्रथम हुने समुहलाई १० हजार नगद सहित कप, मेडल र प्रमाण पत्र प्रदान गरिएको थियो ।

त्यस्तै द्धिप्तिय हुने रोशन तामाङ, अनिश गुरुङ, अनुप रिजाल, सयल खाँण ठकुरी, उत्तम गुरुङ,तोक बहादुर गुरुङ, कञ्चन कुमार श्रेष्ठ, पाबास गुरुङ र योयल तामाङको समुहलाई पाँच हजार नगद सहित मेडल र प्रमाण पत्र प्रदान गरिएको थियो ।  त्यसैगरि प्रतियोगिताको तृतिय हुने समुहलाई पनि मेडल र प्रमाण पत्र आयोजक संस्थाले प्रदान गरेको अखिल क्रान्तीकारी धादिङ जिल्लाका सह–सचिव श्रीकृष्ण रिजाले बताउनु भयो ।