किवो स्काउट ट्रुपका स्काउटलाई दिक्षान्त समारोह सम्पन्न

धादिङबेशी । धादिङबेशी स्थित पुछारबजारमा रहेको न्यू किवो वोडिङ स्कुलमा आज स्काउटहरुलाई दिक्षान्त समारोह सम्पन्न भएको छ ।
बिद्यालयमा गठित किवो स्काउट ट्रुपका ब्यायज एण्ड गल्स स्काउटका सदस्यहरुलाई पहिलो चरण अन्तरर्गत सदस्यता ब्यायज प्रदान गर्दै दिक्षान्त समारोह सम्पन्न गरिएको हो ।

बिद्यालयका प्र.अ.समेत रहनु भएका ईकाई अध्यक्ष एवम स्काउट मास्टर प्रयास रेग्मीको अध्यक्षतामा सम्पन्न भएको कार्यक्रममा स्काउट मास्टर बद्री अधिकारीले दिक्षान्त गराउनु भएको थियो । समारोहमा बिद्यालयका स्काउट मास्टर सिताराम महत लगाएतका स्काउट सहयोगी शिक्षकहरुको समेत उपस्थिति रहेको थियो ।

समारोहलाई समापनको क्रममा सम्बोधन गर्दै ईकाई अध्यक्ष एवम स्काउट मास्टर प्रयास रेग्मीले किवो वोडिङमा गठित स्काउटहरुले बिगतमा पनि छुट्टै पहिचान बनाउन सफल भएको भन्दै बिगतमा जस्तै उदारणिय कार्यहरु गर्न अनुरोध गर्नु भएको छ । उहाँले दिक्षित स्काउटहरुलाई बधाई ज्ञापन गर्दै स्काउट नियम, प्रतिज्ञालाई कार्यान्वयनमा ल्याउन स्काउटहरुलाई अनुरोध गर्नु भएको छ ।

किवो स्काउट ट्रुपको छिट्टै हाईकिङ,क्याम्पीङ लगाएतको क्रियाकलाप संचालन गरिने स्काउट मास्टर सिताराम महतले बताउनु भयो ।