सुनौलाबजारमा फागुन १९ देखि शहिद मुकुन्द सेन स्मृति दोस्रो खुल्ला फुटबल प्रतियोगिता हुँदै

धादिङबेशी । नीलकण्ठ नगरपालिका वडा नं–६ सुनौलाबजारमा फागुन १९ गते देखि शहिद मुकुन्द सेन स्मृति दोस्रो खुल्ला फुटबल प्रतियोगिता हुने भएको छ । दोस्रो मुकुन्द सेन स्मृति खुल्ला फुटबल प्रतियोगिता मुल आयोजक समितिको आयोजना तथा नीलकण्ठ नगरपालिकाको सहयोगमा फागुन १९ देखि २५ गतेसम्म प्रतियोगिता हुनेभएको हो ।

प्रतियोगिताको उद्घघाटन बागमती प्रदेश सरकारका मुख्यमन्त्री शालिकराम जमकट्टेलले गर्ने बताईएको छ । प्रतियोगिताको प्रथम पुरस्कार १ लाख २१ हजार १११ र द्धितिय पुरस्कार ६० हजार ५११ रहेको प्रतियोगिताका संयोजक लक्ष्मण रम्तेलले बताउनुभयो । साथै खेलाडी, सर्वाधिक गोलकर्ता र उत्कृष्ट गोलकिपर लाई नगद ५ हजार सहित शिल्ड मेडल र प्रमाणपत्र प्रदान गरिने छ ।

टिम दर्ता फागनु १८ गतेसम्म गर्न सकिने आयोजकले नीलकण्ठ एफ.एम.लाई जानकारी दिएको छ ।