नीलकण्ठमा जनयुद्ध दिवसको अवसरमा अन्तरक्रिया, भिम तामाङको अध्यक्षतामा ३९ सदस्यिय YCL नगर कमिटि चयन

धादिङबेशी । २९ औँ जनयुद्ध दिवसको अवसरमा नेपाल कम्युनिष्ट पार्टी (माओवादी केन्द्र) नीलकण्ठ नगर कमिटि द्धारा चियापान तथा अन्तरक्रिया कार्यक्रम सम्पन्न भएको छ ।

नेपाल कम्युनिष्ट पार्टी (माओवादी केन्द्र ) नीलकण्ठ नगर कमिटिका अध्यक्ष सम्भु कुमार श्रेष्ठको अध्यक्षतामा सम्पन्न भएको अन्तरक्रिया कार्यक्रममा नेपाल कम्युनिष्ट पार्टी (माओवादी केन्द्र) जिल्ला समन्वय समितिका सचिव दिपक लामिछाने सुवोधको प्रमुख आतिथ्यता रहेको थियो । अन्तरक्रिया कार्यक्रम सम्पन्न पश्चात सोहि अवसरमा YCL नेपाल, नीलकण्ठ नगर समितिको दोस्रो नगरभेला समेत सम्पन्न भएको छ । आज सम्पन्न भएको नगर भेला बाट भिम बहादुर तामाङको अध्यक्षतामा पछि ४ जना मनोनित गर्ने गरि ३९ सदस्यिय YCL नगर समिति समेत चयन गरेको छ ।

YCL नगर भेला बाट गठित समितिको उपाध्यक्षमा राजेश बिक,कृष्ण कुमार श्रेष्ठ,दिपक लम्साल,राजेश गुरुङ,सुर्य तामाङ,प्रकाश ढुङ्गाना, सचिवमा गणेश आचार्य,सह– सचिवमा ईस्मिता भट्ट, रोहन गुरुङ,केशव श्रेष्ठ र कोषाध्यक्षमा सन्तमान तामाङ चयन भएका छन् ।

अन्तरक्रिया कार्यक्रममा उपस्थित बक्ताहरुले जनयुद्धको मर्म अनुसार पार्टीले थप शशक्त तवरले काम गरि जनताको अझ मन जित्न जरुरी रहेको कुरामा जोड दिएका थिए ।