एमाले धादिङको अधिबेशनको विवाद चरम उत्कर्षमा ,त्रिपाठीद्धारा जारी र ढुङ्गेलद्धारा अधिबेशन स्थगित भएको घोषणा

धादिङबेशी । नेकपा एमाले धादिङको नवौ जिल्ला अधिबेशनको विवाद चरम उत्कर्षमा पुगेको छ । मिति २०८० साल माघ १९ गते खुल्ला सत्र सकिएपछि बेलुका भएको जिल्ला कमिटिको बैठक देखि सुरु भएको विवाद हाल चरम उत्कर्षमा पुगेको हो ।

नेकपा एमाले धादिङका अध्यक्ष भुमी त्रिपाठी द्धारा जारी बिज्ञप्तीमा बन्द सत्रको कार्यक्रम निरन्तर संचालन भैरहेको जानकारी गराएका छन् । त्रिपाठीले बिज्ञप्ती जारी गर्दै केहि अनाधिकृत उच्छृङ्खल ब्यक्तीले अधिबेशनको थप कार्यक्रम स्थगित भएको भनि मिडिया र सामाजिक सन्जालमा फैलाएको भ्रम प्रति नेकपा एमाले धादिङको गम्भीर ध्यानाकर्षण भएको भन्दै सवै प्रतिनिधिहरुलाई भ्रमको पछि नपर्न आग्रह गरेका छन् ।

उता नेकपा एमाले बागमती प्रदेशका अध्यक्ष कैलाश प्रसाद ढुंगेलले अधिबेशनमा असहज परिस्थिति सिर्जना भएको भन्दै अर्को सुचना जारी नहुन्जेलको सम्मको लागी अधिबेशन स्थगित भएको बिज्ञप्ती प्रकाशन गर्दै जानकारी गराएका छन् ।

जारी बिज्ञप्तीमा नेपाल कम्युनिष्ट पार्टी (एमाले) जिल्ला कमिटी धादिङको नवीं जिल्ला अधिवेशनको बन्दसत्र सुरु हुनुपूर्व २०८० माघ १९ गते साँझ करिब ७ :०० बजे बसेको जिल्ला कमिटीको अन्तिम बैठकमा बन्दसत्रमा प्रस्तुत गरिने आवश्यक दस्तावेजहरु, कतिपय नीतिगत निर्णयहरु बन्दसत्र संचालनका लागि आवश्यक अध्यक्ष मण्डल लगायत विभिन्न समितिहरूमा रहने नेताहरूको नाम र जिल्ला कमिटीबाट ५ प्रतिशतले मनोनयन हुने प्रतिनिधिहरुका सम्बन्धमा जिल्ला कमिटी अध्यक्षबाट प्रस्ताव प्रस्तुत हुँदा बैठकका सहभागिहरुबाट छलफलको माग गर्दैगर्दा जिल्ला कमिटी अध्यक्षले जबरजस्ती प्रस्ताव पेश गर्दै एकलौटी निर्णय भएको घोषणा गर्न खोजेपछि बैठक कक्षमा असहज परिस्थिति सृजना हुन पुगेको उल्लेख गरिएको छ ।

ढुंगेल द्धारा जारी बिज्ञप्तीमा जिल्ला कमिटीका सदस्य र नेताहरुमाथि सोहि समयमा धक्कामुक्का समेत भयो । सो दिनको भोलिपल्ट माघ २० गते बन्दसत्रको सुरुवातबाट नै अघिल्लो दिनभन्दा बढी असहज, आक्रमक र आतंकित परिस्थिति देखा परेको उल्लेख गरिएको छ । अधिबेशनको क्रममा भिडन्त भई पार्टी कार्यकर्ता सन्तोष खनालको हात भाँचिएको जारी बिज्ञप्तीमा उल्लेख छ ।

जनसंगठनबाट प्रतिनिधित्व गराउँदा जनसंगठन समन्वय सम्बन्धी निर्देशिका २०७८ बमोजिग वर्गिकरण गरी प्रतिनिधिको प्रबन्ध नगरिएको,बन्दसत्रमा प्रवेश गर्नु अगाडी प्रतिनिधि निक्यौल गर्ने विषयमा समेत अन्योलता कायम रहेको, पटकपटक वार्ता छलफलबाट समस्या समाधान गरी बन्दसत्र सूचार गर्ने प्रयास असफल भएपछि अधिवेशनलाई मर्यादित र विधिसम्मत तरिकाले सम्पन्न गर्न सम्भव नदेखिएकाले अर्को सूचना जारी नहुन्जेल सम्मका लागि अधिवेशन स्थगित गरिएको जारी बिज्ञप्तीमा उल्लेख गरिएको छ ।

अधिबेशनमा शनिबार मुडभेडको स्थिति सिर्जना हुन लागेको खवर पाएपछि समाचार संकलन गर्न गएका पत्रकारहरु माथि नेकपा एमाले धादिङका कार्यकर्ताहरुले दुब्र्यवहार समेत गरेका थिए । अधिबेशनको क्रममा खटाइएको स्वंयम सेवक समेत एक पक्षिय रुपले छनोट गरिएको नाम नखुलाउने सर्तमा एक नेताले आरोप लगाएका छन् ।