त्रिपुरासुन्दरी मावि खरीको ६५ औँ बार्षिक उत्सव : शिक्षा क्षेत्रको बिकास र सुधारका निम्ति प्रदेश सरकार प्रतिवद्ध रहेको मन्त्री बहादुरसिंह लामाको भनाई

धादिङबेशी । त्रिपुरासुन्दरी मावि खरीको ६५ औँ बार्षिक उत्सव सम्पन्न भएको छ । बागमती प्रदेशका आर्थिक मामिला तथा योजना मन्त्री बहादुर सिँह लामाको प्रमुख आतिथ्यता तथा गाउँपालिकाका अध्यक्ष यमनाथ दनै र उपाध्यक्ष धर्म अर्यालको बिशेष आतिथ्यतामा बार्षिक उत्सव कार्यक्रम सम्पन्न भएको हो ।

कार्यक्रम कै अवसर पारेर विद्यालयमा भारतिय दुतावासको सहयोगमा निर्माण गरिएको २४ कोठे भवनको समेत उद्घाटन गरिएको छ । कार्यक्रमलाई सम्बोधन गर्नुहुँदै बागमती प्रदेशका आर्थिक मामिला तथा योजना मन्त्री बहादुर सिँह लामाले गुणस्तरिय र ब्यवहारिक शिक्षा प्रदान गर्न आफुहरु चिन्तीत भएर लागिरहेको बताउनु भएको छ । उहाँले शिक्षा क्षेत्रको बिकास र सुधारका निम्ति प्रदेश सरकार प्रतिवद्ध रहेको समेत बताउनु भयो ।

त्यसैगरी बार्षिक उत्सव समारोहलाई सम्बोधन गर्नुहुँदै कार्यक्रमका बिशेष अतिथि तथा गाउँपालिकाका अध्यक्ष यमनाथ दनैले आफ्नो कार्यकालमा जनताले महशुष हुने गरि शिक्षा क्षेत्रमा कार्यसम्पादन गरिने बताउनु भएको छ ।

कार्यक्रममा ज्वालामुखी गाउँपालिका वडा न ५ भित्रका आमा समुह र बिद्यालयमा अध्ययनरत बिद्याथीहरुको प्रस्तुतिका बिबिध सांस्कृति कार्यक्रम समेत सम्पन्न भएको छ । बिद्यालयले बार्षिक उत्सवको अवसर पारेर बिद्यालयमा कार्यरत शिक्षक तथा पुर्व शिक्षकहरुलाई सम्मान समेत गरेको छ । यसरी सम्मान हुनेहरुमा पुर्व प्रअ महेन्द्र दुवाडी,शिक्षक गोगन बहादुर राना,अधिकलाल मण्डल, पुर्व शिक्षक सोमनाथ पाठक लगाएतका रहेका छन् । कार्यक्रम कै अवसर पारेर बिद्याललय राष्टपति रनिङ खेलकुदका खेलाडी तथा बिभिन्न अक्षय कोष बाट बिभिन्न ब्यक्तहरुलाई सम्मान गरिएको थियो ।

बार्षिक उत्सवको अवसर मा बिद्यालयका प्रअ रमेश गुरुङले बिद्यालयको शैक्षिक अवस्थाको बारेमा जानकारी गराउनु भएको बिद्यालयका सुचना अधिकारी महेन्द्र दुवाडीले नीलकण्ठ एफ.एम.लाई जानकारी दिनु भयो ।