धादिङको ज्वालामुखीमा राष्ट्रपति रनिङ शिल्ड प्रतियोगिता सुरु,सिद्धलेक,गुजरी,गल्छी,धुनिबेशीमा सम्पन्न

धादिङबेशी । ज्वालामुखी गाउँपालिका धादिङमा पालिका स्तरिय राष्ट्रपति रनिशिल्ड प्रतियोगिता सुरु भएको छ । शनिबार एक बिशेष कार्यक्रमको आयोजना गरि राष्टपति रनिशिल्ड प्रतियोगिता सुरु गरिएको हो ।

गाउँपालिकाका अध्यक्ष यामनाथ दनै द्धारा उद्द्धाटन गरिएको पालिका स्तरिय प्रतियोगिता पौष २ गते सम्म संचालन हुने छ ।

सिद्धलेक गाउँपालिका स्तरिय राष्ट्रपति रनिङ शिल्डको उपाधि मिन्दुका माविलाई

सिद्धलेक गाउँपालिका स्तरिय राष्ट्रपति रनिङ शिल्डको उपाधि मिन्दुका माविले जितेको छ । ७ स्वर्ण,२ रजत र ३ कास्य पदक सहित सिद्धलेक–१ नलाङ बैरेनीको मिन्दुका माविले उपाधि जितेको हो ।

प्रतियोगितामा सत्यवती माविले ५ स्वर्ण, ६ रजत र ३ कास्य पदक जित्दै दोस्रो भएको छ । ५ स्वर्ण,५ रजत र ५ कास्य पदक सहित नलाङ पात्ले मावि तेस्रो भएको छ । महाकाली माविले ४ स्वर्ण,४ रजत र २ कास्य पदक चौथो र सिद्धेश्वर माविले ३ स्वर्ण, ३ रजत र ४ कास्य पदक पाचौ हुन सफल भएको छ ।

प्रतियोगितामा बिजयी विद्यार्थी तथा विद्यालयहरुलाई बागमती प्रदेश सभा सदस्य मधु कुमार श्रेष्ठले शिल्ड,प्रमाणपत्र र मेडलद्धारा पुरस्कृत गर्नुभएको थियोे । प्रथम, द्धित्तिय र तृतिय हुनेलाई क्रमश नगद ३० हजार,२५ हजार र २० हजार प्रदान गरिएको छ ।

गजुरीको राष्ट्रपति रनिङ शिल्डको उपाधि डोलभन्ज्याङ माविले जित्यो

गजुरी गाउँपालिका स्तरीय राष्ट्रपति रनिङ शिल्ड प्रतियोगितामा डोल भन्ज्याङ मावि प्रथम भएको छ । प्रतियोगितामा डोलभन्ज्याङ मा.विले ६ स्वर्ण, ५ रजत र ४ कास्य सहित १५ मेडल सहित प्रथम भएको हो ।

त्यसैगरी आदर्श मावि, गजुरी ११ पदक सहित दोस्रो भएको छ । मंसिर २७ देखि संचालन भएको माध्यामिक विद्यालय स्तरीय राष्ट्रपति रनिङ शिल्ड प्रतियोगिता सम्पन्न भएको हो ।

गल्छीमा चौंथो राष्ट्रपति रनिङ शिल्ड प्रतियोगिता सकियो

गल्छी गाउँपालिका वडा नं ८ स्थित छाङ्गेश्वर मन्दिर परिसरमा चौंथो राष्ट्रपति रनिङ शिल्ड प्रतियोगिता सम्पन्न भएको छ । २६ खेल विधा मध्य ९ स्वर्ण, ४ रजत र २ कास्य पदक जित्दै गल्छी गाउँपालिका वडा नं १ को सरस्वती माध्यमिक विद्यालय चौंथो राष्ट्रपति रनिङ शिल्डमा प्रथम भएको छ ।

यस्तै  वडा नं ४ स्थित जनकल्याण माध्यमिक विद्यालय ५ स्वर्ण २ रजत १० कास्य पदक जित्दै द्वितीय र  वडा नं ५ स्थित अमन्तादेवी माध्यमिक विद्यालय ४ स्वर्ण २ रजत ३ कास्य जित्दै तृतीय भएको छ । यसै गरी  वडा नं ६ स्थित बागेश्वरी माध्यमिक विद्यालय ३ स्वर्ण २ रजत २ कास्य जित्दै चौंथो र  वडा नं ६ कै सक्सेस एकेडेमी ३ स्वर्ण २ रजत जित्दै पाँचौं भएको थियो ।

तिन दिन सम्म सन्चालन भएको प्रतियोगितामा गल्छी गाउँपालिकाका ९ माध्यामिक विद्यालयले सहभागिता जनाएको थियो ।

धुनिवेशी नगरपालिकामा भएको राष्ट्रपति रनिङ शिल्ड प्रतियोगिताको उपाधि भुवनेश्वरी माविलाई

धादिङको धुनिवेशी नगरपालिकामा सञ्चालन भएको राष्ट्रपति रनिङ शिल्ड प्रतियोगितामा भुवनेश्वरी माध्यमिक विद्यालयले उपाधी जितेको छ । भुवनेश्वरीले १४ स्वर्ण १० रजत र १० कास्य सहित उपाधी जितेको हो ।

यस्तै ७ स्वर्ण ८ रजत ९ कास्य सहित मच्छिन्द्र माध्यमिक विद्यालय प्रतियोगितामा दृतिय भएको छ । यस्तै ६ स्वर्ण ५ रजत ४ कास्य सहित महादेवस्थान माध्यमिक विद्यालय तृृतिय भएको छ । प्रतियोगितामा प्रथम, दृतिय र तृतिय भएका विद्यालय र सहभागी विद्यार्थीहरुलाई शिल्ड, मेडल र प्रमाणपत्र सहित सम्मान गरिएको छ ।