बालमन्दिर माविले बुक लेस फ्राई डे अन्तर्गत भेषभुषा प्रदर्शन तथा फुड फेस्टिभल गरी मनायो (फोटोमा हेर्नुहोस् )

धादिङबेशी । धादिङ्ग जिल्लाको सदरमुकाम अवस्थित बाल मन्दिर माध्यमिक विद्यालयले बुक लेस फ्राई डे अन्तर्गत भेषभुषा प्रदर्शन तथा फुड फेस्टिभल गरी मनाएको छ ।

विद्यालयमा धेरै सम्प्रदाय, जात,जाती,धर्मका विद्यार्थीहरु रहेका र उनीहरू मध्ये धेरैले आफ्नो भेषभुषा बिर्सिसकेको हुनाले आफ्नो संस्कृति र भेषभुषा जोगाउनका निमित्त उक्त कार्यक्रम सञ्चालन गरिएको बिद्यालयका प्रधानाध्यापक कृष्ण बहादुर राउत बताउनु भयो । कार्यक्रममा विद्यालयमा अध्ययनरत हरेक विद्यार्थी आफ्नो आफ्नो भेषभुषामा आई आफ्नो सम्प्रदायको नृत्य समेत प्रस्तुत गरेका थिए । सोही कार्यक्रममा फुड फेस्टिभल समेत आयोजना गरिएको थियो । विद्यार्थीले ९ ठाउँमा खानाका परिकारका स्टल राखेर थोरै पैसामा धेरै खानेकुरा वितरण समेत गरेका थिए ।

जिन्स प्यान्ट र मिनी स्कटमा सजिन थालेको हाम्रो समाजमा बाल मन्दिर माध्यमिक विद्यालयले गरेको यो भेषभुषा प्रदर्शन तथा फुड फेस्टिभल एकदमै सरहानिय छ । अन्य विद्यालयले पनि आफ्नो संस्कृति वचाइराख्न यस्तै किसिमको कार्यक्रम गर्न जरुरी देखिन्छ ।