समाजसेवी अधिकारीद्धारा बिद्यार्थीहरुलाई निशुल्क बिद्यालय पोशाक हस्तान्तरण

नेत्रावती डवजोङ समाचारदाता । धादिङको नेत्रावती डवजोङ गाउँपालिका वडा नं. १ मा अवस्थित निमार्चोक आधारभूत बिद्यालयका ८५ जना बिद्यार्थीहरुलाई निशुल्क बिद्यालय पोषाक बितरण गरीएको छ ।

ट्रयाक सुट र भेष्ट सहितको पोषाक बिहिबार एक कार्यक्रमकाबीच स्थानिय समाजसेवी निरञ्जना मा.बिका पुर्व विद्यालय ब्यवस्थापन समितिका अध्यक्ष तथा दिब्यदर्शन टेलिभिजनका प्रबन्ध निर्देशक उत्तम कुमार अधिकारी र उहाँकी धर्मपत्नि लक्ष्मी अधिकारीको आर्थिक सहयोगमा बिद्यार्थीहरुलाई पोसाक बितरण गरिएको हो ।

आफ्नो गाउँको शैक्षिक गुणस्तर अभिवृद्धि गर्न विद्यार्थीहरुलाई नियमित बिद्यालय उपस्थित हुन प्रोत्साहन गर्ने उद्देश्यले बिद्यालयमा नै पुगेर समाजसेवी दम्पतीले उक्त सहयोग गर्नु भएको हो । पोशाककै कारण विद्यालय गयल हुने समस्या हटोस् भन्ने हाम्रो अभिप्राय हो, समाजसेवी दम्पतीको भनाई छ ।

लामो समयदेखि शैक्षिक क्षेत्रमा योगदान पु¥याउदै आउनुभएको उत्तम अधिकारीले आफनो स्वर्गिय मातापिताको नाममा चन्द्र बहादुर बुनादेवी अक्षयकोष स्थापना गरी बिभिन्न बिद्यालयका विपन्न र जेहेनदार बिद्यार्थीहरुलाई नि ःशुल्क बिद्यालय पोषाक वितरण लगायत आर्थिक सहयोग समेत गर्दै आउनुभएको छ ।

निशुल्क विद्यालय पोशाक बितरण कार्यक्रममा नेत्रावती डवजोङ गाउपालिकाका प्रवक्ता तथा वडा न १ का वडा अध्यक्ष ठाकुर गुरुङ,विद्यालय ब्यवस्थापन समितिका अध्यक्ष लगाएतको आतिथ्यता रहेको थियो । बिद्यालयमा अध्ययनरत बिद्यार्थीहरु निशुल्क रुपमा पोसाक पाएपछि खुसी भएका छन् ।