ज्वालामुखी गाउँपालिकामा सम्पन्न भएको पालिका स्तरीय विज्ञान प्रदर्शनीमा त्रिपुरासुन्दरी मा.वि. प्रथम

धादिङ,३० भदौ ।
५९ औं राष्ट्रिय वालदिवसको अवसर पारेर ज्वालामुखी गाउपालिकाको आयोजनामा गाउपालिका स्तरीय विज्ञान सामग्री प्रदर्शनी कार्यक्रम सम्पन्न भएको छ ।शुक्रबार पालिकाले वालवालिकामा लगानी सुनिशिचत भविष्यको थालनी भने नाराको साथ उक्त कार्यक्रमको आयोजना गरेको हो । गाउपालिका स्तरीय विज्ञान सामग्री प्रदर्शनी कार्यक्रममा गाउपालिका स्तरीय १२ वटा माध्यमिक विद्यालयहरुको सहभागिता रहेको थियो ।

प्रदर्शनीमा त्रिपुरासुन्दरी माध्यमिक विद्यालय प्रथम भएको छ । यसैगरी बराकालीका माध्यमिक विद्यालय द्धितिय र बालदेवी माध्यमिक विद्यालिय तृतृीय भएको छ । प्रतियोगितामा प्रथम,द्धितिय र तृतीय हुने विद्यालयलाई क्रमश १२ हजार,१० हजार,८ हजार नगद सहित प्रमाण पत्रबाट पुरस्कृत गरीएको थियो ।थियो भने द्धितिय हुने विद्यालयलाई १० हजार नगद सहित प्रमाण पत्र र तिृतिय हुने विद्यालयलाई ८ हजार नगद सहित प्रमाण पत्र वितरण गरेको छ । साथै पालिकाले विज्ञान सामग्री प्रदर्शनी कार्यक्रममा सहभागि विद्यार्थीहरुलाई स्टेशनरी सामाग्री पनि वितरण गरेको थियो ।

कार्यक्रमलाई सम्बोधन गर्नुहुदै गाउपालिकाका अध्यक्ष यामनाथ दनैले यस्ता प्रकारका कार्यक्रमले विद्यार्थीहरुलाई विज्ञान विषय प्रति आकर्षण गर्ने र विद्यार्थीहरुलाई सृजनशिल बनाउन सहयोग पुर्याउने बताउनुभयो । पालिकाले शिक्षा क्षेत्रलाई प्राथमिकतामा राखेर काम गरीरहेको भन्दै सामुदायिक विदालयको शैक्षिक गुणस्तर बृद्धि गर्न पालिका प्रतिबद्ध रहेको स्पष्ट पार्नुभयो ।

सोही कार्यक्रमको अबसर परेर पालिकाले कक्षा १० र १२ को परीक्षामा उत्कृष्ट नतिना प्राप्त गर्ने शिक्षक, विद्यार्थी तथा अवकाश प्राप्त शिक्षकहरुलाई पालिकाले सम्मान गरेको थियो । बराहकालिका माध्यमिक विद्यालयका विद्यालय व्यवस्थापन समितिका अध्यक्ष विनोद तिम्लसिनाको अध्यक्षतामा सम्पन्न भएको कार्यक्रमको गाउँपालिकाका अध्यक्ष यमनाथ दनैको प्रमुख आतिथ्यता रहेको थियो । कार्यक्रममा गाउपालिकाका उपाध्यक्ष धर्म बहादुर अर्यालको विशेष आतिथ्यता रहेको कार्यक्रममा प्रमुख प्रशासकीय अधिकृत सुमन पण्डित,शिक्षा युवा तथा खेलकुद शाखा प्रमुख देवकी सिंखडा, वडा अध्यक्षहरु, लगायतको आतिथ्यता रहेको थियो ।