राष्ट्रिय बाल दिवसको अवसरमा रामकोट सहकारीद्धारा बाल बचतकर्तालाई स्टेशनरी सामग्री वितरण

धादिङ,२९ भाद्र ।
आज ५९ औं राष्ट्रिय बाल दिवस धादिङ सहित देशभर विभिन्न कार्यक्रम गरी मनाइएको छ । “बालबालिकामा लगानीः सुनिश्चित भविष्यको थालनी” भन्ने नाराका साथ देशैभर बाल दिवस मनाइएको हो ।

दिवसको अवसरमा धादिङको नीलकण्ठ नगरपालिका–८ साँघुटारमा रहेको रामकोट बचत तथा ऋण सहकारी संस्था लिमिटेडले आफ्ना बाल बचतकर्ताहरुलाई स्टेशनरी सामग्री वितरण कार्यक्रम शुभारंब गरेको छ ।

सहकारीले आज शुक्रबारदेखि असोज ५ गते सम्म (कार्यालय समय र बिदाका दिन बाहेक) बाल बचतकर्ताहरुलाई स्टेशनरी सामग्री वितरण गर्ने जनाएको छ ।

बाल बचतकर्ता स्वयम् वा सम्बन्धित अविभावक पासवुक सहित आएर स्टेशनरी सामग्री संस्थाको प्रधान कार्यालय नीलकण्ठ ८, साँघुटार र सेवाकेन्द्र कार्यालय, नीलकण्ठ ८, रामकोट हटियामा बुझिलिन सम्पूर्ण बाल बचतकर्ता एवं अविभावक सदस्यहरुलाई सहकारीले अनुरोध गरेकोे छ ।

संस्थाका अध्यक्ष रामकृष्ण श्रेष्ठको अध्यक्षतामा भएको स्टेशनरी सामग्री वितरण कार्यक्रममा निलकण्ठ– ८ का वडा अध्यक्ष एवं रामकोट सहकारीका सल्लाहकार प्रकाश श्रेष्ठको विषेश आतिथ्य रहेको थियो । त्यसैगरी कार्यक्रममा संचालक समिति,लेखा सुपरिवेक्षण समिती,उप समितिका पधाधिकारीहरु, संस्थाका कर्मचारीहरु, सदस्यहरु र बालबचकर्ताहरुको उपस्तिथी रहेको थियो ।