धादिङमा आत्महत्या गर्नेको सख्या बढ्दो, आज थप एक जनाले गरे आत्महत्या

धादिङ । धादिङमा आत्महत्या गर्नेको संख्या बढ्दै गएको छ । बागमती प्रदेशमा आत्महत्या बढि हुनेमा धादिङ पहिलो नम्बरमा छ । शनिबार धादिङको बेनिघाट रोराङको घटना सेलाउन नपाउँदै आज ज्वालामुखीमा अर्को घटना थपिएको छ ।

आज अन्दाजी बेलुकी ६ बजेको समयमा ज्वालामुखी गा.पा.२ मजकोट स्थित आफ्नो घर नजिक रहेको खनियाको रुखमा नाम्लोको पासो लगाई अन्दाजी ५२ का चङ्ख नारायण श्रेष्ठले झुण्डिएर आत्महत्या गरेका छन् ।

घटनाको जानकारी पाउनका साथ प्रहरी चौकी मैदीबाट प्रहरी सहायक निरिक्षक र जिल्ला प्रहरी कार्यालय.धादिङबाट प्रहरी निरिक्षक.अभय लामाको टोली घटना स्थलमा पुगेको थियो । घटनास्थलमा पुगेको प्रहरी टोली द्धारा घटना स्थल लाँश जाँच मुचुल्का लगाएतका अनुसन्धान पुरा गरी हाल शव परिक्षणका लागी धादिङ अस्पताल ल्याईएको जिल्ला प्रहरी कार्यालय धादिङले जनाएको छ ।

यसरी जिल्लामा आत्महत्याको संख्या बढिरहँदा सरोकारवाला निकायहरु मौन भएको भन्दै मानसिक क्षेत्रमा काम गर्दै आएका मनोबिमर्शकर्ताहरुले चिन्ता ब्यक्त गरेका छन् ।