नेपाली काँग्रेसका सभापति तथा पूर्वप्रधानमन्त्री देउवा भोली धादिङबेसी आउदै

धादिङ,३० साउन
नेपाली कांग्रेसका सभापति एवम पूर्व प्रधानमन्त्री शेरबहादुर देउवा भोली (बुधबार) धादिङबेसी आउने कार्यक्रम तय भएको छ। नीलकण्ठ नगरपालिकाका नगर प्रमुख तथा नेपाल नगरपालिका संघका केन्द्रिय अध्यक्ष भीम प्रसाद ढुंगानाका पिता सोमनाथ ढुङ्गानाको स्वार्गारोहण भएको १३ औं पुण्य तिथिमा श्रद्धाञ्जली अर्पण गर्न भोली धादिङबेसी आउन लाग्नु भएको नेपाली काँग्रेस धादिङले जानकारी दिएको छ ।

भोली दिउँसो १ बजे नीलकण्ठ नगरपालिका वडा नम्बर ८ स्थित मनकामना टोलमा हुने श्रद्धाञ्जली सभालाई नेपाली काँग्रेसका सभापति तथा पुर्वप्रधानमन्त्री देउवाले सम्बोधन गर्नुहुने कार्यक्रम रहेको छ ।यसैगरी नेपाली काँग्रेस धादिङले पनि भोली बुधबार हुने श्रद्धाञ्जली सभामा सहभागी हुन नेपाली काँग्रेस धादिङका केन्द्रिय सदस्यहरु,प्रदेशसदस्यहरु,महासमितिसदस्यहरु,निर्वाचित जनप्रतिनिधिहरुलाई समेत सहभागि हुनको लागि आह्वान गरेको छ ।नीलकण्ठ नगरपालिकाका नगर प्रमुख भीम प्रसाद ढुंगानाको पिता सोमनाथ ढुंगानाको यहि साउन १९ गते १०७ बर्षको उमेरमा आफ्नै निवासमा निधन भएको थियो ।