खो–खो संघ धादिङको अध्यक्षमा उद्धव रिजाल चयन

धादिङ,२० साउन
खो–खो संघ धादिङको प्रथम जिल्ला भेला सम्पन्न भएको छ । धादिङबेसीमा सम्पन्न भेलाले नेपाल खो–खो संघ धादिङको अध्यक्षमा उद्धव रिजाललाई चयन गरेको छ। नव गठीत समितिको उपाध्यक्षमा सुनिल सिटौला र भक्त बहादुर गुरुङ, सचिवमा गणेश आचार्य कोषाध्यक्षमा सुस्मा पोखरेल चयन हुनुभएको छ ।यसैगरी सदस्यहरूमा मनोज श्रेष्ठ, अशोक गुरुङ, शंकर रिजाल, दिपा पूरी, सन्तोष गुरुङ, देव वहादुर गुरुङलाई चयन गरेको छ ।

धादिङ जिल्ला खेलकुद विकास समीतिका अध्यक्ष प्रताप सिंह तामाङको प्रमुख आतिथ्यतामा सम्पन्न भएको भेलामा नेपाल खो–खो संघको केन्द्रिय कार्यवाहक अध्यक्ष प्रदीप महर्जनको विशेष आतिथ्यता रहेको थियो ।भेलमा मुख्य प्रशिक्षक लक्ष्मीनारायण वैद्य लगायतको आतिथ्यता रहेको थियो । नेपालमा २०३८ सालदेखि विद्यालय पाठ्यक्रममा शिक्षा विषयमा खो(खो खेल समावेश गरिए पनि तालिम प्राप्त प्रशिक्षकको अभावमा यो खेलले लोकप्रियता पाउन सकेको छैन ।