नीलकण्ठ नगरपालिकाका मेयर भीम प्रसाद ढुंगानालाई पितृ शोक

धादिङ,१९ साउन
धादिङको नीलकण्ठ नगरपालिकाका मेयर तथा नगरपालिका संघका केन्द्रिय अध्यक्ष भीम प्रसाद ढुंगानालाई पितृ शोक परेको छ।मेयर ढुंगानाका बुबा नेपाली काँग्रेसका पुराना नेता तथा भुतपुर्व प्रधानपन्च समेत रहनुभएका सोमनाथ ढुंगानाको १०७ बर्षको उमेरमा निधन भएको हो।

श्वास प्रश्वास सम्बन्धी समस्या रहेको ढुंगानाको आफ्नै निवास मनकामना टोलमा आज अपराह्न ४ बजे निधन भएको हो।नेपाली काँग्रेसको राजनीतिमा संक्रिय रहनुभएका ढुंगाना नेपाली कागँ्रेस धादिङका पुरानो नेता हुनुहुन्छ । सामाजिक काममा समेत संक्रिय रहनुभएका सोमनाथ ढुंगानाको आजै दाहसँस्कार गरिने पारिवारीक श्रोतले जानकारी दिएको छ।थोपल खोला स्थित मरणघाटमा ढुुंगानाको आजै अन्त्यष्टि गरिने छ।