वडा अध्यक्ष श्रेष्ठ द्धारा प्रतिवद्धता अनुसार विद्यार्थीहरुलाई शैक्षिक सामाग्री हस्तान्तरण, छात्रावृत्तिको व्यवस्था

धादिङ । निर्वाचित जनप्रतिनिधिहरुले चुनावमा लिएका प्रतिवद्धताहरु भुल्न थालेको जनताबाट गुनासो आईरहेको बेला नीलकण्ठ नगरपालिका वडा न ३ का वडा अध्यक्ष राज कुमार श्रेष्ठले बोलेका प्रतिवद्धता अनुसारको काम गर्न थालेका छन् ।

उहाँले निर्वाचित भएपछि आफुले पाउने सेवा सुविधाको अक्षय कोष खडा गरी विपन्न परिवारका छोरा छोरीहरुलाई स्वास्थ्य र शिक्षामा लगानी गर्ने प्रतिवद्धता ब्यक्त गरेका थिए । शनिबार एक कार्यक्रमको आयोजना गरि वडा अध्यक्ष श्रेष्ठले ५५ जना विद्यार्थीहरुलाई शैक्षिक सामाग्री बितरण गर्नु भएको हो । हाल नीलकण्ठ नगरपालिका र ज्वालामुखी गाउपालिका भित्रका विद्यालयमा अध्ययनरत बिद्यार्थीहरुलाई छात्रावृद्धि सहित शैक्षिक सामाग्री वितरण गरिएको छ ।

छात्रावृद्धि तथा शैक्षिक सामाग्री पाउने बिद्यार्थीहरु साङकोष मा.वि, बालमन्दिर मा.वि, महेन्द्र मा.वि, सुनौलो भैरवी मा.वि, मनरुपी मा.वि, इजरा आवि, पशुपति मा.वि, पण्डितचौर मा.वि, पन्चकन्या मा.वि, सुनखानी मा.वि, गायत्रीदेवि आ.वि र धादिङ बोर्डिङमा अध्ययनरत छन् । विद्यार्थीहलाई स्कूल अनुसारको ड्रेस, व्याग, सन्देश मुलक कापी, कलम सहितका शैक्षिक सामग्री प्रदान गरिएको थियो ।