कटुन्जेको महेन्द्रवाराहि र सेमजोङको चौतारा माविमा मनोपरामर्श तालिम

धादिङ । धादिङको नेत्रावती डवजोङ गाउपालिकाले बिद्यालयमा अध्ययनरत किशोरकिशोरीहरुलाई मनोपरामर्श तालिम संचालन गरेको छ ।
शुक्रबार नेत्रावती डवजोङ गाउपालिका वडा न ३ स्थित चौतारा मावि र वडा न ५ स्थित महेन्द्र बाराहि माविमा मनोपरामर्श तालिम सम्पन्न भएको हो ।

मनोसामाजिक परामर्श तालिममा सहभागी किशोर किशोरीहरुलाई मनोसामाजिक क्षेत्रका बिज्ञ सुजन श्रेष्ठ ,स्वास्थ्य शाखा प्रमुख कृष्ण बहादुर पौडेल र मनोविमर्श कर्ता बद्री अधिकारीले सहजीकरण गर्नु भएको थियो । तालिममा नेत्रावती डवजोङ गाउपालिकाका प्रमुख प्रशासकीय अधिकृत हरेराम शाह, शिक्षा युवा तथा खेलकुद शाखाका प्रमुख डोलमाया तामाङ लगाएतको आतिथ्यता रहेको थियो ।

धाादिङ मनोसामाजिक संस्था नेपालको समन्वयमा भएको तालिममा मनोसामाजिक समस्या, समस्याका कारणहरु,लक्षण,अवलम्बन गर्नुपर्ने उपाय,विद्यालयमा जाने किशोरी किशोरीहरुमा देखिने समस्या,असर, तनाव ब्यवस्थापन लगाएतको बिषयमा सहजीकरण भएको थियो ।

धादिङ मनोसामाजिक संस्था नेपालले धादिङ जिल्लाको बिभिन्न स्थानमा मनोपरामर्श तालिम,गोष्ठी तथा काउन्सिलिङको काम गर्दै आएको छ ।