शुशासन,पारदर्शिता र जवाफदेहिताको निमित्त सार्वजनिक सुनुवाई : वडा अध्यक्ष अधिकारी

धादिङ । त्रिपुरा सुन्दरी गाउपालिका वडा न ७ का वडा अध्यक्ष सुवास अधिकारी दर्पणले वडामा शुशासन,पारदर्शिता र जवाफदेहिताको निमित्त सार्वजनिक सुनुवाई आयोजना गरिएको बताउनु भएको छ ।

उहाँले आफ्नो कार्यकालमा गरिएका कार्यसम्पादनमा जनताले प्रश्न गर्ने ठाँउ नराखिकन कार्यसम्पादन गरीरहेको भन्दै वडाको समग्र बिकासमा आफ्नो चिन्ता र चासो भएकोले सोहि अनुसार प्रतिवद्ध भएर काम गरिरहेको बताउनु भएको हो ।

उहाँले सार्वजनिक सुनुवाईमा उठेका जिज्ञासा,सल्लाह सुझावलाई आगामी दिनमा पुर्ण रुपमा कार्यान्वयन गरिने र आगामी दिनमा पनि यस किसिमको कार्यक्रमलाई निरन्तरता दिने प्रतिवद्धता ब्यक्त गर्नु भएको छ । त्रिपुरासुन्दरी गाउपालिका वडा न ७ को सार्वजनिक सुनुवाई कार्यक्रम वडा अध्यक्ष सुवास अधिकारीको अध्यक्षतामा, गाउपालिकाका अध्यक्ष राजु उप्रेतीको प्रमुख आतिथ्यता तथा उपाध्यक्ष देवराज धरेलको बिशेष आतिथ्यता र गाउपालिकाका प्रमुख प्रशासकीय अधिकृत भीम बहादुर पराजुलीको आतिथ्यतामा सम्पन्न भएको थियो ।