नेत्रावती डबजोङ गाउँपालिकामा जारी जेष्ठ नागरिक स्वास्थ्य परिक्षणमा १ सय ४ जनाले सेवा लिए(फोटो फिचर)

धादिङ,५ फागुन ।
धादिङको नेत्रावती डवजोङ गाउपालिकामा जेष्ठ नागरिक स्वास्थ्य परिक्षण कार्यक्रम जारी रहेको छ ।स्वास्थ्य शिवीर कार्यक्रम अन्र्तगत शुक्रबार वडा न १ को मार्पाक स्वास्थ्य चौकीमा ६५ जना र वडा न २ को पोखरा ताङजा डाँडामा ३९ जनाको स्वास्थ्य परिक्षण गरिएको स्वास्थ्य शाखा प्रमुख कृष्ण बद्री पौडेलले जानकारी दिनुभयो।

प्रिक्षण गराएका मध्ये ११ जनामा प्रेसर र ९ जनामा सुरग देखिएको छ ।नेत्रावती डवजोङ अस्पतालका मेडिकल अधिकृत डा.उत्तम थापा मगरको नेतृत्वमा खटिएको स्वास्थ्यकर्मीहरुको टोलीले स्वास्थ्य परिक्षण सेवा संचालन गरिरहेका छन् ।

यसै गरी फागुन ११ गते नेत्रावती डबजोङ गाउँपालिका वडा नं २ र ३ को केउरा बस्ती, धाराधीरी र टिकाढुङ्ग मा स्वास्थ्य शिविर संचालन हुने बताउनु भएको छ । नेत्रावती डबजोङ गाउँपालिकाले पालिका भित्रका जेष्ठ नागरिकहरुलाई गाउँमै गएर स्वास्थ्य परिक्षण गर्ने नयाँ कार्यक्रमको सूरुवात गरेको छ ।