सिद्धलेक र त्रिपुरासुन्दरी गाउँपालिकामा आजदेखी राष्ट्रपति रनिङ शिल्ड प्रतियोगिता हुदै

धादिङ,१८ माघ ।
धादिङको सिद्धलेक गाउँपालिका र त्रिपुरासुन्दरी गाउँपालिकामा आज(बुधबार)देखी राष्ट्रपति रनिङ शिल्ड प्रतियोगिता हुने भएको छ । माघ मसान्त भित्र स्थानीय तहले राष्ट्रपति रनिङ शिल्ड प्रतियोगिता गरिसक्नुपर्ने जिल्ला खेलकुद विकास समिति धादिङको परिपत्र अनुसार प्रतियोगिता गर्न लागिएको हो ।

जिल्लाका अधिकांस स्थानीय तहले प्रतियोगिता गरिसकेका छन् ।सिद्धलेक गाउँपालिकाको आयोजनामा माघ १८ गते बुधबारदेखि २० गतेसम्म सिद्धलेक गापा–४ स्थित सलाङघाटमा रहेको जलेश्वरी माध्यामिक विद्यालयमा प्रतियोगिता सञ्चालन हुने गाउँपालिकाले जनाएको छ ।१ नीजी र १३ सरकारी गरी १४ वटा माध्यमिक विद्यालय रहेको सिद्धलेकले सबै विद्यालयहरुलाई सहभागि गराउने गरि तयारी गरेको गाउँपालिकाले जनाएको छ।

त्रिपुरासुन्दरी गाउँपालिकाले रानीपौवा मावि प्राङ्गणमामा आजदेखी राष्ट्रपति रनिङ शिल्ड प्रतियोगिताको हुने भएको छ । १ निजी र ११ सरकारी गरी १२ वटा माध्यामिक विद्यालयबिच प्रतिस्पर्धा हुने छ माध्यामिक विद्यालय स्तीय हुने यस राष्ट्रपति रनिङ शिल्ड प्रतियोगितामा भलिबल, एथलेटिक्स, कबड्डी, तेक्वान्दो, कराँते र उसु खेलहरु हुने छन्।