श्रोत परिचालन साकोष द्धारा संचालकहरुलाई क्षमता अभिवृद्धि तालिम

श्रोत परिचालन बचत तथा ऋण सहकारी संस्था लि.का संचालकहरुलाई क्षमता अभिवृद्धि तालिम शुरु भएको छ ।
सहकारीको २५ औ बार्षिक साधारण सभाबाट नवनिर्वाचित ८ औ सन्चालक समिति तथा लेखा सुपरिवेक्षण समिति सदस्यहरुलाई धादिङको सल्यानटारमा उक्त तालिम दिएको हो ।

संस्थाको अध्यक्ष रुद्र बहादुर खत्रीको अध्यक्षता तथा त्रिपुरासुन्दरी गाउँ पालिका अध्यक्ष राजु उप्रेतीको प्रमुख आथित्यता तालिमको सुभारम्भ गरिएको हो । तालिमको उद्घाटन सत्रमा त्रिपुरासुन्दरी गाउपालिकाका उपाध्यक्ष देवराज धरेल, धादिङ बचत तथा ऋण सहकारी संघको अध्यक्ष नवराज शर्मा, संस्थाको निवर्तमान अध्यक्ष तथा सल्लाहकार प्रदिप अधिकारीको आथित्यता रहेको थियो ।

उद्घाटन सत्रमा बोल्दै कार्यक्रमका प्रमुख अतिथि तथा त्रिपुरा सुन्दरी गाउपालिकाका अध्यक्ष राजु उप्रेतीले श्रोत परिचलन साकोसले सहकारी अभियानमा पुराएको योगदानको स्मरण गर्दै सहकारीको माध्यम बाट पालिकाको उध्यमशिलता, उत्पादन र रोजगारी सृजना हुने बिस्वास व्यक्त गर्दै श्रोत परिचालन साकोस सग सहकार्य गर्न पालिका तयार रहेको बताउनु भएको छ ।

त्यसै गरी त्रिपुरासुन्दरी गाउपालिकाका उपाध्यक्ष देवराज धरेलले श्रोत परिचालन साकोस धादिङ जिल्लाको मात्र नभई देशकै नमुना सहकारी भएकोले धादिङका जनताहरुले श्रोत परिचालन साकोषले गाउँ गाउँमा पनि सेवा दिएकोले गर्व गर्नुपर्ने बताउनु भएको छ ।
क्षमता अभिवृद्धि तालिम त्रिपुरासुन्दरी १ सल्यानटार भिलेज रिर्सोटमा यहि पौष १८ गते सम्म सन्चालन हुनेछ ।