ज्वालामुखीमा तिन दिने निशुल्क आँखा शिविर सम्पन्न,१२ सय ७८ जनाले सेवा लिए

धादिङ,१६ मंसिर ।
धादिङ जिल्लाको ज्वालामुखी गाउँपालिकामा सन्चालन भएको तिन दिने निशुल्क आँखा शिविर सम्पन्न भएको छ । यहि मंसिर १२ गतेदेखी ढोला स्वास्थ्य चौकीमा आयोजना गरीएको आँखा शिविर सम्पन्न भएको ज्वालामुखी गाउँपालिकाका स्वास्थ्य शाखा प्रमुख सुजन श्रेष्ठले जानकारी दिनुभयो।

ज्वालामूखी गाउँपालिकाको आयोजना र नेपाल नेत्रहीन संघ,पुर्नस््थापना कार्यक्रम गोरखा र किर्तिपूर आँखा अस्पतालको सहयोगमा शिविर सम्पन्न भएको हो ।शिविरमा १२ सय ७८ जनाको आँखाको परिक्षण गरीएको थियो।आँखाको परिक्षण गरीएको मध्ये ८४ जनाको निशुल्क आँखाको मोतिया विन्दुको शल्यक्रिया गरीएको स्वास्थ्य प्रमुख सुजन श्रेष्ठले जानकारी दिनुभयो।

गाउँमै निशुल्क आँखाको परिक्षण र सल्यक्रिया भएपछि नागरिकहरु खुसि भएका छन् ।पालिकाले नागरिकहरुलाई गाउँमै सेवा दिने उदेश्यले आयोजित यस्ता स्वास्थ्य विशिरलाई निरन्तरता दिने गाउँपालिका अध्यक्ष यामनाथ दनैले जानकारी दिनुभयो ।