सिद्धलेकमा गठन भएको शैक्षिक कार्यादलले पालिकालाई बुझायो प्रतिवेदन

धादिङ,१५ मंसिर ।
सिद्धलेक गाउँपालिकामा गठन भएको शैक्षिक कार्यदलले तयार पारेको प्रतिवेदन आज पालिकालाई बुझाईएको छ।तिन महिना भन्दा बढी समय लगाएर तयार पारिएको प्रतिवेदन आज गाउँपालिकाका अध्यक्ष,उपाध्यक्ष तथा प्रमुख प्रशासकिय अधिकृतलाई बुझाईएको हो।

गत भाद्र ८ गतेको कार्यपालिकाको बैठकले सरोज खतिवडाको अध्यक्षतामा ७ सदस्यीय शैक्षिक कार्यदल गठन गरेको थियो।कार्यदलले पालिका भित्र रहेकाम ४७ वटा विद्यालयको स्थलगत अनुगमन गरी तयार पारिएको प्रतिवेदन पालिका अध्यक्ष परशुराम खतिवडा,उपाध्यक्ष सविता अर्याल र प्रमुख प्रशासकीय अधिृकत राम मणी मिश्रलाई बुझाइएको कार्यपालिका सदस्य भगवती तिवारीले जानकारी दिनुभयो ।

कार्यदलले ४७ वटै विद्यालयको भौतिक अवस्था,शिक्षक विद्यार्थीको अनुपात,शैक्षिक अवस्था,विद्यार्थीको सिकाई मुल्यांकन,दिवा खाजाको प्रभावकारीता,विद्यालय मर्च गर्ने लगायतको विषयमा अध्ययन अनुगमन गरी प्रतिवेदन तयार पारीएको शैक्षिक कार्यालका संयोजक सरोज खतिवडाले जानकारी दिनुभयो।

पालिकाको शैक्षिक गुणस्तर बृद्धि गर्ने उदेश्यले कार्यदल गठन गरीएको हो।कार्यदलले दिएको सुझावको आधारमा आगामी शैक्षिक कार्ययोजना तयारी गरिने पालिका अध्यक्ष परशुराम खतिवडाले जानकारी दिनुभयो ।