नीलकण्ठ बहुप्राविधिक शिक्षालयमा आजबाट नियमित कक्षा सन्चालन

धादिङ,१४मंसिर ।
धादिङ जिल्लामा यस बर्ष मात्रै सम्बन्धन प्राप्त गरेको नीलकण्ठ वहुप्राविधिक शिक्षालयमा आजबाट नियमित कक्षा संचालनमा आएको छ ।नीलकण्ठ नगरपालिका वडा न ४ मा रहेको बहुप्राविधिक शिक्षालयमा सिभिल इन्जिनियरिङ (हाईड्रो) र अटोमोवाईल इन्जिनियरिङमा बुधबारदेखि औपचारिक रुपमा कक्षा संचालन भएको छ।

शिक्षालयमा सिभिल इन्जिनियरिङ हाईड्रो तर्फ ३६ जना र अटो मोवाईल इन्जिनियरिङमा १५ जना बिद्यार्थीहरुले भर्ना भई अध्ययन शुरु गरेका छन् ।शिक्षालयमा हाल डोल्पा, सर्लाही, महोत्तरी,गोरखा र धादिङ जिल्लाका बिभिन्न स्थानबाट आएका विद्यार्थीहरु अध्ययनरत रहेको शिक्षालय प्रमुख विदुर काफ्लेले जानकारी दिनुभयो। नीलकण्ठ नगरपालिकाले प्रत्येक वडाबाट कम्तीमा २ जना पर्ने गरी २८ जना बिद्यार्थीहरुलाई यस बर्ष छात्राबृद्धिको ब्यवस्था गरेको थियो।

कक्षा संचालनको पहिलो दिनमा अवलोकनका लागी पुग्नुभएका नीलकण्ठ नगरपालिकाका शिक्षा शाखाका प्रमुख नारायण प्रसाद वाग्लेले शिक्षालयलाई ब्यवस्थित गर्ने तर्फ नगरपालिकाको चिन्ता र चासोको बिषय भएको बताउनुभयो।उहाँले प्राविधिक शिक्षा विशिष्ट किसिमको शिक्षा भएकोले पढ्ने र सिक्ने बिषयमा विद्यार्थीहरुले पनि मेहनत गर्नुपर्ने बताउनुभयो।

कार्यक्रममा नीलकण्ठ नगरपालिकाका कार्यबहाक मेयर दिपक विश्वकर्माले लामो मेहनत र सघर्ष पछि बहुप्राविधिक शिक्षालय सन्चालनमा ल्याएको भन्दै यसलाई थप व्यवस्थित बनाउन लागि पर्ने बताउनुभयो।सोहि अवसरमा विश्वकर्माले पहिलो ब्याचका बिद्यार्थीहरुलाई विद्यालयको नाम राख्ने गरी अध्ययन गर्नको आग्रह गर्नुभयो।