लोकतान्त्रिक बाम गठबन्धनका उम्मेदवारलाई जिताउनु पर्छ : दिलमान पाख्रिन

धादिङ २७, कात्तिक । नेपाली काग्रेसका केन्द्रिय सदस्य दिलमान पाख्रिनले व्यक्ति भन्दा माथि पार्टी भएकाले सबै गठबन्धनका नेता कार्यकर्ताहरुलाई एकजुट भएर गठबन्धनका उम्मेदवारलाई विजय गराउनु आग्रह गर्नुभएको छ ।

त्रिपुरासुन्दरी गाउँपालिकाको सल्यानटारमा आयोजित पत्रकार सम्मेलनमा बोल्दै पाख्रिनले पार्टीभित्रको दुखेसोलाई निर्वाचनको समयमा प्रकट नगरी मंसिर ४ गतेसम्म सबै एकजुट भएर निर्वाचन अभियानमा लाग्न सवैलाई आग्रह गर्नु भएको हो । देशको सम्वृद्धि, लोकतन्त्रको रक्षा र स्थायित्वका लागि गठबन्धनको आवश्यकता रहेकाले सबै कार्यकर्तालाई इमान्दार साथ गठबन्धनका उम्मेदवारलाई जिताउन अभियानमा लाग्न आग्रह गर्नु भएको हो ।

नेता पाख्रिनले रामनाथ अधिकारी र आफू २०५७ सालदेखि सँगै राजनीतिमा रहेको बताउँदै अधिकारीको उम्मेदवारीमा मेरो पूर्ण समर्थन रहेको बताएका छन् । रामनाथ अधिकारी व्यक्ति नभइ काँग्रेसको उम्मेदवार रहेको बताउँदै पाख्रिनले सबै काँग्रेस कार्यकर्ताहरुलाई संघ र प्रदेशमा गठबन्धनबाट उम्मेदवार बनेकाहरुलाई जिताउने अभियानमा लाग्न आग्रह गर्नु भएको हो ।