आज धादिङका २६ जनामा डेंगी संक्रमण, नीलकण्ठका मात्रै २३ जना

धादिङ,२४ कात्तिक ।
धादिङमा बिहीबार २६ जनामा डेंगी संक्रमण पुष्टि भएको छ । स्वास्थ्य कार्यालय धादिङको अनुसार नीलकण्ठ नगरपालिकामा २३ जना, सिद्धलेक , त्रिपुरासुन्दरी र गंगाजमुना गाउँपालिकाका १/१ जना गरी २६ जनामा डेंगी संक्रमण पुष्टि भएको हो ।

हालसम्म जिल्लामा १ हजार १९४ जना पुरुष र एक हजार २३ महिला गरी कुल २ हजार २१७ जनामा संक्रमण पुष्टि भएको स्वास्थ्य कार्यालयको विवरणमा उल्लेख गरिएको छ । जिल्लाका संक्रमित मध्ये आधा भन्दा बढि संक्रमित नीलकण्ठ नगरपालिकामा रहेका छन् ।

कुल संक्रमित मध्ये १०२ जनाको ठेगाना खुलेको छैन भने ९ जना अन्य जिल्लामा परिक्षण गरिएको स्वास्थ्य कार्यालय धादिङले जनाएको छ ।