नीलकण्ठ माविका विद्यार्थीले प्रकाशित गरे ६४ वटा हस्त लिखित भित्तेपत्रिका(फोटो फिचर)

धादिङ,२२ कात्तिक ।
नीलकण्ठ माध्यमिक विद्यालयका विद्यार्थीहरुले आज एकसाथ ६४ वटा भित्ते पत्रिका प्रकाशित गरेका छन् ।दशै बिदाको गृहकार्यको रुपमा विद्यार्थीले बनाएका भित्ते पत्रिका आज एक साथ प्रकाशित गरिएको हो ।

भित्ते पत्रिका लेखनले विद्यार्थीहरुमा भएको प्रतिभा प्रस्फुटन गर्न सहयोग पुर्याएको शिक्षक दिपेन्द्र रिजालले बताउनुभयो ।परम्परागत शैक्षिक प्रणालीलाई सुधार्न नयाँ शैलीलाई अपनाइएको शिक्षक रिजाले बताउनुभयो ।

कक्षा ८ का विद्यार्थीले ड्रोइङ पेपरमा हातैले लेखेर विभिन्न चित्रहरुका साथै समाचार र साहित्यमूलक भित्ते पत्रिका तयार पारेका थिए ।भित्तेपत्रिकामा विद्यार्थी आफैंले सिर्जना गरेका कविता, गजल, चुट्किला, मुक्तक, सामान्य ज्ञान, समाचार लगायत प्रकाशन गरिएको थियो ।

दशैँ तिहारको गृहकार्यको रुपमा दिइएको भित्तेपात्रो लेखनलाई विद्यार्थीले समाजमा अगुवाइ गर्ने क्षमताको विकास गर्नुका साथै त्यस्तै आफूले लेखेको सृजनाहरु सार्वजनिक गराएर आत्मविश्वास जगाउने काम भएको कक्षा ८ की छात्रा प्रतिमा लम्सालले बताउनुभयो ।

बालबालिकाको नेतृत्व विकास तथा क्षमता अभिवृद्धि गर्नका लागि भित्तेपत्रिका लेखनकार्यले सहयोग पुगेको शिक्षकहरुको भनाइ छ ।एकसाथ प्रकाशन गरिएको भित्तेपत्रिकाले विद्यार्थी र शिक्षकमा उत्साह थपेको छ।