हामीले जनताको आवाज सम्बोधन गर्नुपर्छ : खेम लोहनी

धादिङ,२० कात्तिक

धादिङ क्षेत्र नं २ का नेकपा एमालेका प्रनिधिसभा सदस्य उम्मेदवार खेम लोहनीले नेकपा एमालेले जनताको जनताको आवाज सम्बोधन गर्नु पर्ने बताउनुभएको छ।धादिङ काठमाण्डौसम्पर्क मञ्चद्वारा कलंकीमा कार्यकर्ता तथा मतदाताहरुलाई सम्बोधन गर्दै एमाले केन्द्रीयसदस्य समेत रहनुभएका एमाले उम्मेदवार लोहनीले एमालेले जित्यो भनेमात्र नेपाल र नेपालीको हित हुने बताउनुभयो ।

देश जोगाउन एमालेले जित्नुपर्ने बताउँदै पार्टीभित्रको आन्तरिक विषयलाई पन्छाएर चुनावमा एक ढिक्का भएर लाग्न आग्रह गर्नुभयो।
धादिङ निर्वाचन क्षेत्र नम्बर २ मा राप्रपासंगको तालमेल गरेर अघि बढेको एमालेले संघीय निर्वाचन र प्रदेशसभा १ मा राप्रपाले एमालेलाई सघाउने छ भने धादिङ क्षेत्रनम्बर २ को प्रदेश सभा २ मा एमालेले राप्रपालाई सघाउने छ । संयुक्त रुपमा मतदाता भेटघाट समेत गरिरहेको छ।