धादिङमा डेंगी संक्रमण बढ्दै, आज थप १९ जना संक्रमित

धादिङ,१९ कात्तिक ।
धादिङ जिल्लामा डेंगी संक्रमण हुनेको संख्या दिनानुदिन बढीरहेको छ । शनिवार थप १९ जनामा संक्रमण पुष्टि भएसँगै जिल्लामा शनिवार सम्मको तथ्यांक हेर्नेहो भने सक्रमित हुनेको संख्या २ हजार ११० पुगेको छ ।शनिवार ९ जना पुरुष र १० जना महिला गरी कुल १९ जनामा डेंगी संक्रमण पुष्टि भएको स्वास्थ्य कार्यालय धादिङले जानकारी दिएको छ ।

हालसम्म जिल्लाका १ हजार १३५ जना पुरुष र ९७४ महिला गरी कुल २ हजार ११० जनामा संक्रमण पुष्टि भएको स्वास्थ्य कार्यालयको धादिङले जनाएको छ ।सबैभन्दा बढि संक्रमित नीलकण्ठ नगरपालिकामा रहेका छन् । न

गरपालिकामा हालसम्म १ हजार २९७ जना संक्रमित भएका छन् भने गल्छीमा १११, गजुरीमा १०६, बेनिघाट रोराङमा ९५, धुनिबेशीमा ९०,ज्वालामुखीमा ८२, त्रिपुरासुन्दरीमा ७६ जनामा संक्रमण भएको छ।यस्तै सिद्धलेकमा ६१, गंगाजमुनामा ३१, थाक्रेमा १८,नेत्रावती डवजोङमा १४,रुवीभ्यालीमा १२ र खनियाबास गाउँपालिकामा ७ जनामा संक्रमण पुष्टि भएको छ ।