धादिङका २३ जनामा डेंगी संक्रमण, १८ जना नीलकण्ठका

धादिङ,१८ कात्तिक ।
धादिङमा आज २३ जनामा डेंगी संक्रमण पुष्टि भएको छ । स्वास्थ्य कार्यालय धादिङका अनुसार ११ पुरुष र १२ महिला गरी २३ जनामा संक्रमण पुष्टि भएका हो । हालसम्म जिल्लामा १ हजार १२७ जना पुरुष र ९६४ महिला गरी कुल २ हजार ९१ जनामा संक्रमण पुष्टि भएको स्वास्थ्य कार्यालयको विवरणमा उल्लेख गरिएको छ ।

जिल्लाको कुल संक्रमित मध्ये आधा भन्दा बढि संक्रमित नीलकण्ठ नगरपालिकामा रहेका छन् । नीलकण्ठ नगरपालिकामा हालसम्म १ हजार २८४ जना संक्रमित भएका छन् भने गल्छीमा १०८, गजुरीमा १०६, बेनिघाट रोराङमा ९५, धुनिबेशीमा ९०, ज्वालामुखीमा ७९, जनामा संक्रमण भएको छ ।

यस्तै त्रिपुरासुन्दरीमा ७५, सिद्धलेकमा ६०, गंगाजमुनामा २७, थाक्रेमा १८, नेत्रावती डवजोङमा १४, रुवीभ्यालीमा १२ र खनियाबास गाउँपालिकामा ७ जनामा संक्रमण पुष्टि भएको छ ।

कुल संक्रमित मध्ये १०२ जनाको ठेगाना खुलेको छैन भने ८ जना अन्य जिल्लामा परिक्षण गरिएको स्वास्थ्य कार्यालय धादिङले जनाएको छ । धादिङमा हाल धादिङ अस्पताल, सल्यान्टार प्राथमिक स्वास्थ्य केन्द्र र गजुरी प्राथमिक स्वास्थ्य केन्द्रबाट डेंगी परिक्षण हुदैँ आएको छ ।