आगामी निर्वाचनको सन्दर्भ(सम्पादकीय)

धादिङ,०३ भाद्र।
आगामी मंसिर ४ गते हुने भनिएको संघ र प्रदेशको निर्वाचनको लागि राजनीतिक दलहरुविचमा एक प्रकारका बहस भैरहेको छ । बाम एकताका कुरा गरेर यस अघिका निर्वाचनहरुमा समेत नथाकेकाहरु अहिले पनि उक्त मुद्धा उठाईरहेका छन् भने बाम गठबन्धनको कुरा गर्नेहरु पनि एक किसिमले अगाडि बढाईरहेका छन् ।

यस अघि स्थानीय तहको निर्वाचनमा दुईवटा पक्षहरुविचमा गठबन्धन नगरिएमा त्यो गठबन्धन आगामी निर्वाचनसम्म कायम होला कि नहोला ? यो पनि वहसकै रुपमा अगाडि बढिरहेको छ । संघ प्रदेशको निर्वाचन आफ्नो पक्षमा पार्नकै लागि सबै पक्षबाट प्रयास भैरहेका छन् ।

अहिलेको समयमा निर्वाचनबाट जित हात पार्न कुरा आम राजनीतिक दलहरुका लागि पेचिलो बन्दै गैरहेको कुरामा दुइमत छैन तर, राजनीतिक दलको विकल्पमा कसैलाई जिताईहाल्नुपर्ने मुख्य मुख्य कारण पनि यो यो हुनसक्छन् भन्ने खालको ठोस तर्क पनि आईरहेको छैन यसर्थ दलहरुको विरोधमा सबै सखाप पार्नुपर्छ भन्ने खालको एउटा भ्रम छ सिमित ठाउँ विशेष बाहेकका स्थानलाई त्यो वहस पनि सुहाउँदो छैन।

हुनत पछिल्लो समय निर्वाचनका दिनहरु नजिकिँदै गैरहेको यो अबस्थामा दलहरुका नेता कार्याकर्ताबाटै यसपालि पख् भन्ने खालका कार्यक्रम तथा गतिविधिहरु संचालन भैरहेका सर्वत्र देख्न सकिन्छ । एउटा सिंगो दलमाथि नै प्रश्न उठाएर यसरी लाग्नेहरु सबै दलसम्बद्ध भएको देख्न सकिन्छ तर, प्रश्न रह्यो दललाई हराउने कुराको ।

यस अघिको स्थानीय तहको निर्वाचनमा जित हारको स्थिति हेर्ने हो भने स्वतन्त्र रुपमा जित हात पारेका नाम बाहेकका स्वतन्त्र कति जना ? के यो दलका कार्यकर्ताहरुको हिसावमा छ ? कि काठमाण्डौका बालेन र धरानका हर्कजस्तै देशैभरी स्वतन्त्रको लहर चलेको छ ? यस पटक संघीय निर्वाचनमा रविले नै जिते भने उनी प्रधानमन्त्री होलान त ? कि देशैभरी बहुमतै जित्लान् त?

रवि लामिछानेको पार्टीमै यसको हिसाव कस्तो छ त्यो हेर्न बाँकी नै छ केही समयमा यसको हिसाव गर्ने दिन पनि आउँछ तर विडम्बना के छ भने दलका झोला बोकेर देशको परिवर्तन गर्नका लागि जस जसले योगदान गरेका छन् उनीहरुलाई निर्वाचनको बेला अपमानित गर्ने, उसका विरुद्ध कु प्रचार गर्ने लगायतका काम तिव्र गतिमा भैरहेका छन् यसलाई सरोकारवालाहरुले समयमै सुधार गर्नुपर्छ अन्यथा कर्मको फल भनेजस्तै अहिले जो जो उग्र भैरहेका छन् उनीहरुका लागि आगामी दिन सहज छैन ।

निर्वाचन जितेकाहरु मध्येको एउटा इमान्दारीता, जवाफदेहीता तथा सहनसिल तथा नागरिकप्रतिको उत्तरदायि नेतृत्वको रुपमा हर्क साङपाङले एक किसिमको भूमीकाको तुलनामा अन्यको त्यो किसिमको लगनशिलता पाउन नागरिकलाई गाह्रो छ । यसकारण स्वतन्त्रको विउको रुपमा उनले गरेका जस्तै दलबाट निर्वाचित हुनेहरु आफ्नो भिजन सहित निर्वाचनमा जाँदा उचित होला ।

आफुले जित्न जेसुकै गर्ने र अन्यको हिसाव नगर्ने जुन परिपार्टी छ त्यसको अन्त्य गर्ने र सिंगो देशबासीकै हित हुने पक्षमा काम गर्ने गरी दलहरु अगाडि बढुन् यसले कार्याकर्तामा निरासा कम गर्न सहयोग गर्छ ।