धादिङकी सपना कार्की र नवलपरासीका आशिक कुमाल लागुऔषध सहित पक्राउ

धादिङ,२३ साउन।
काठमाडौंको महाराजगञ्जबाट लागुऔषध सहित दुईजना पक्राउ परेका छन् । गएराति नारायणगोपाल चोकबाट सुकेधारातर्फ जाँदै गरेको लु ४० प ४१५० नम्बरको मोटरसाइकल रोकेर चेकजाँच गर्दा लागुऔषध ४८ पिस फेनारगन, ४८ पिस डाइजेपाम र ४८ पिस नुफ्रिन सिरिन्ज फेला पारेको उपत्यका ट्राफिक प्रहरी कार्यालयले जनाएको छ ।

पक्राउ पर्नेमा मोटरसाइकल चालक नवलपरासी मध्यबिन्दु नगरपालिका–७ घर भई सुकेधारा बस्ने २६ वर्षीय आशिक कुमाल र मोटरसाइकलमा पछाडि सवार धादिङ घर भएकी २४ वर्षीया सपना कार्की रहेकी छिन् । उनीहरुलाई प्रहरी वृत महाराजगन्जले अनुसन्धान गरिरहेको छ ।