दिनहुँ बढ्दै कोरोना संक्रमित : थप २६० जनामा संक्रमण

धादिङ,३० असार।

कोरोना भाइरसको सङ्क्रमण दैनिक बढिरहेको छ । स्वास्थ्य तथा जनसङ्ख्या मन्त्रालयले जारी गरेको बुलेटिनमा तीन हजार ८४४ जनामा गरिएको परीक्षणमध्ये आज २६० जनामा सङ्क्रमण देखिएको हो ।

सक्रिय सङ्क्रमितको सङ्ख्या ११७१ जना रहेका छन् । विगत २४ घण्टामा ४८ जना कोरोनाबाट निको भएर घर फर्किएका छन् ।  योसँगै निको हुनेको सङ्ख्या नौ लाख ६७ हजार ८५८ पुगेको छ । निको हुने दर ९८.७ प्रतिशत रहेको मन्त्रालयले जनाएको छ ।

सङ्क्रमणबाट कसैको पनि निधन भएको छैन । शून्य सङ्क्रमित भएका जिल्ला १४ रहेका छन् ।