बेनिघाट रोराङ गाउँपालिका–३ रिचोकटारमा ११९ जनाले गरे रक्तदान

धादिङ,२९ असार ।
जनकल्याण बचत तथा ऋण सहकारी संस्थाको २७ औँ स्थापना दिवसको अवसरमा रिचोकटारमा रक्तदान कार्यक्रम सम्पन्न भएको छ ।

बुधबार सहकारीको आयोजना तथा नेपाल रेडक्रस सोसाईटी रक्त संचार केन्द्र धादिङको प्राविधिक सहयोगमा बेनिघाट रोराङ गाउँपालिका–३ रिचोकटारमा भएको रक्तदान कार्यक्रममा २८ महिला र ९१ पुरुष गरी ११९ जनाले रक्तदान गर्नुभएको धादिङ रेडक्रसका उपमन्त्री नारायण कुमार श्रेष्ठले जानकारी दिनुभयो।

धादिङमा अभियानकै रुपमा रक्तदान कार्यक्रम आयोजना गरिदै आएको छ।जिल्लामा रगतको अभावलाई न्युनीकरण गर्नको लागी विभिन्न मेला, पर्व, उत्सव, सहकारीको बार्षिक साधारण सभा लगायतको भेला हुने कार्यक्रममा रक्तदान कार्यक्रम राखि धादिङमा रगत संकलन गरीदैँ आएको छ।