२४ घन्टामा थपिए जम्मा ७ संक्रमित, ९ जना स्वस्थ

धादिङ,०२ जेठ ।
देशभर थप ७ जनामा कोरोना भाइरसको सङ्क्रमण पुष्टि भएको छ । गत २४ घन्टामा देशभर २ हजार ७८५ नुमना परीक्षण गर्दा ७ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

जसमा १ हजार ५४६ आरटी पिसिआर विधिबाट परीक्षण गर्दा ६ जना र १२ सय ३९ एन्टीजेन परीक्षणमा १ जनामा संक्रमण पुष्टि भएको छ । यस्तै पछिल्लो २४ घन्टामा ९ जना स्वस्थ भएका छन् भने मृत्यु हुनेको संख्या शुन्य रहेको छ ।

योसँगै हालसम्म कोरोना संक्रमणबाट ११ हजार ९ सय ५२ जनाले ज्यान गुमाएका छन् । देशभर सक्रिय सङ्क्रमितको सङख्या १ सय ३९ रहेको छ । देशभर आजसम्म ११ लाख १९ हजार २१२ कोभिड संक्रमित भएको मन्त्रालयले जनाएको छ ।