दियालेमा सुरक्षित खानेपानी परियोजनाको काम सुरु

धादिङ,३० चैत।
नुवाकोटको बेलकोटगढी नगरपालिका वडा नम्बर ४ दियाले सिक्रेपिपलका स्थानियले सुरक्षीत खानेपानी पिउन पाउने भएका छन।

नेभर थर्स्ट परियोजनाको आर्थिक सहयोग र लिभिङ वाटर नेपालको प्राविधिक सहयोग तथा सामाजिक सहजीकरणको माध्यमबाट परियोजना सुरु भएसँगै धेरै लामो समयदेखि सुरक्षित खाने पानीको समस्या भोग्दै आएका दियाले सिक्रेपिपलका करिव ६७ घरधुरिले अब एक घर एक धाराको अवधारणा सहित सुरक्षीत खानेपानी पिउन पाउने भएका हुन्।

नुवाकोट जिल्लाका विभिन्न स्थानीय तहहरुमा सुरक्षित खानेपानी योजना सम्पन्न गरिसकेको र केही योजना निर्माणको क्रममा रहेको लिभिङ वाटर नेपालको नुवाकोट जिला हेर्ने फिल्ड प्राविधिक अर्जुन क्षेत्रीले जानकारी दिनुभयो।दियाले वासिलाई सुरक्षीत खानेपानी घर घरमा पुर्याउनको लागि सहयोग गर्ने अवसर प्राप्त गरेकोमा आफुलाइ भाग्यमानी ठानेको क्षेत्रीको भनाई छ।

उपभोक्ताहरुलाई खानेपानी तथा सरसफाइमा पहुँच पुर्याउनका लागि आफुहरु दिनरात नभनी अहोरात्र खटेर काम गरिहहेको खानेपानी उपभोक्ता समितिका अध्यक्ष चन्द्रबहादुर तामाङले बताउनुभयो।जिवनका लागि पानी भन्ने कुरालाई आत्मसात गर्दै सुरक्षित खानेपानी उपलब्ध गराउन लागेकोले स्थानीयको मुहारमा खुसी ल्याउन सफल लिभिङ वाटर नेपाल धन्यवादको पात्र रहेको स्थानीय पानी उपभोग कर्ता ईश्वर तामाङले बताउनुभयो।