वास्तविक विवरणका आधारमा मात्रै सिमकार्ड किनबेच गर्न दूरसञ्चारको निर्देशन

धादिङ,२७ चैत।

नेपाल दूरसञ्चार प्राधिकरणले सेवा प्रदायकहरूका सिमकार्ड तथा रिमकार्डहरू खरिद बिक्री गर्दा ग्राहकको वास्तविक विवरणका आधारमा मात्रै गर्न निर्देशन दिएको छ ।

प्राधिकरणले सुचना मोवाइल सेवा प्रदायकका सिमकार्ड÷रिमकार्डहरू बिक्री गर्दा ग्राहकले भर्नुपर्ने फारम (केवाइसी) रितपूर्वक नभरी र नियमानुसार कागजातहरु रुजु नगरी सेवा प्रदायकहरूबाट बिक्री वितरण भइरहेको पाइएको भन्दै नियमानुसार मात्रै गर्न निर्देशन दिएको हो ।

मोबाइल सेवा प्रदायकहरूले प्राधिकरणले दिएको निर्देशन र नियमानुसार सिमकार्ड रिमकार्ड खरिद बिक्री नभएमा कानुनअनुसार कारबाही गरिने प्राधिकरणका निर्देशक एवम् सहप्रवक्ता अच्युत नन्दा मिश्रले बताउनुभयो ।