६ हजार ९०९ परीक्षणमा २३ संक्रमित थपिए, ६६ संक्रमित निको

धादिङ,२० चैत।

नेपालमा थप २३ जनामा कोरोना भाइरसको सङ्क्रमण पुष्टि भएको छ ।

गत २४ घन्टामा देशभर ६ हजार ९०९ कोरोना परीक्षण गर्दा जम्मा २३ जनामा सङ्क्रमण पुष्टि हुदाँ ६६ संक्रमित निको भएको स्वास्थ्य तथा जनसङ्ख्या मन्त्रालयले जनाएको छ । अब देशभर सक्रिय सङ्क्रमितको सङ्ख्या ८ सय ९९ जना मात्रै रहेको छ।

देशभर ५ हजार ८४७ आरटी पिसिआर परीक्षणमा २३ जनामा संक्रमण पुष्टि भएको छ भने १ हजार ६२ एन्टिजेन परीक्षणमा संक्रमण पुष्टि भएको छैन । यस्तै संक्रमण कारण मृत्यु शुन्य रहेको छ ।

योसँगै नेपालमा हालसम्म कोरोना सङ्क्रमण पछि निको हुनेको सङ्ख्या ९ लाख ६५ हजार ६२५ पुगेको छ भने ११ हजार ९ सय ५१ जनाको मृत्यु भएको छ।

देशभर आजसम्म ११ लाख १८ हजार ६१५ कोभिड संक्रमित भएको मन्त्रालयको तथ्याङकमा उल्लेख छ ।