मनोज थापाद्वारा नेपाली कांग्रेसको १५औँ महाधिवेशनमा बागमती प्रदेश प्रतिनिधि (खुल्ला) पदका लागि उम्मेदवारी

धादिङबेशी,१३ असोज । नेपाली कांग्रेसको आगामी १५औँ महाधिवेशनलाई लक्षित गर्दै युवा नेता मनोज थापाले बागमती प्रदेश प्रतिनिधि (खुल्ला) पदमा उम्मेदवारी दिने घोषणा गर्नुभएको छ। उहाँ धादिङ जिल्ला क्षेत्र नम्बर २ (क) बाट उम्मेदवार बन्नुभएको हो। ​पार्टीलाई सुदृढ र गतिशीलता प्रदान गर्दै बागमती प्रदेशको समृद्धिका लागि आफ्नो उम्मेदवारी रहेको थापाले बताउनुभएको छ।

“तपाईंको अमूल्य मत, सुदृढ कांग्रेस र समृद्ध बागमतीको लागि” भन्ने मुख्य नारासहित उहाँले क्षेत्रका मतदाता तथा महाधिवेशन प्रतिनिधिहरूप्रति मत र समर्थनको अपिल गर्नुभएको छ। ​विभिन्न सामाजिक तथा राजनीतिक गतिविधिमा सक्रिय रहँदै आएका थापाको उम्मेदवारी घोषणासँगै धादिङ कांग्रेसमा चुनावी सरगर्मी बढेको छ।