वडा अधिवेशनको पूर्वसन्ध्यामा धादिङ कांग्रेसका तीन नेताको साझा प्रतिबद्धता : ‘पार्टीको बृहत्तर हितका लागि हामी एक ठाउँमा छौं’
बाढी प्रभावित नुवाकोटको अक्करेमा पतञ्जली योग समिति धादिङद्वारा सामूहिक भोजन सेवा
कांग्रेसको देउवा पक्षीय समूह पनि समानान्तर महाधिवेशनको तयारीमा,धादिङ पनि खोलियो कार्यालय 
रसुवा बाढीपहिरोमा नीलकण्ठका २९ जनाको मृत्यु पुष्टि, नगरपालिकाले खोज, उद्धार र अन्त्येष्टि खर्च व्यहोर्ने,भोलि शोक विदा दिने निर्णय
वडा अध्यक्ष अक्षय कोष, नीलकण्ठ कर्मचारी र ब्याडमिन्टन खेलाडीको सहयोगमा नुवाकोटमा राहत वितरण
नेपाल क्षयरोग निवारण संस्था धादिङको अध्यक्षमा श्रीकृष्ण अधिकारी चयन
धादिङ, १३ असोज । नेपाली कांग्रेस धादिङको १५औँ महाधिवेशन अन्तर्गत महाधिवेशन प्रतिनिधिमा पदमा युवा नेता सरोज अधिकारीले उम्मेदवारी दिनुभएको छ । लामो समय पत्रकारिता र सामाजिक क्षेत्रमा सक्रिय अधिकारीले अब पार्टीको मूलधारको नेतृत्वमा आफ्नो भूमिका थप सशक्त बनाउने उद्देश्यसहित महाधिवेशन प्रतिनिधिमा उम्मेदवारी दिनुभएको हो । वि.स. २०५७ सालमा नीलकण्ठ माविमा नेपाल विद्यार्थी संघको अध्यक्ष हुदै विद्यार्थी राजनीतिबाट राजनीतिक यात्रा सुरु गर्नुभएका अधिकारी विचको केहि समय पत्रकारीतामा रहेपनि अहिले मुलधारको राजनीतिमा प्रवेश गर्नुभएको हो।
पत्रकारितामै रहदा पनि नेपाली कांग्रेसको शुभेच्छुक संस्था नेपाल प्रेस युनियनको राजनीति सँगै काँग्रेसको संगठनात्मक राजनीतिमा आफ्नो सक्रियता बढाउँदै आउनुभएको छ।नेपाल प्रेस युनियनमा कोषाध्यक्षको जिम्मेवारीसमेत सम्हालिसक्नुभएका उहाँले सञ्चार क्षेत्रको अनुभवलाई राजनीतिक तथा सामाजिक विषयसँग जोडेर काम गर्दै आउनुभएको छ।अधिकारीले नेपालको मूलधारे सञ्चारमाध्यममा लामो समय काम गर्नुभएको अनुभव छ ।पत्रकारिताका क्रममा राजनीति, स्थानीय शासन, सार्वजनिक नीति तथा सामाजिक विषयमा निरन्तर कलम चलाउँदै आउनुभएका उहाँ पछिल्लो समय पार्टी राजनीतिमा सक्रिय हुनुभएको हो ।पत्रकारितामा रहँदा विभिन्न राजनीतिक तथा सामाजिक मुद्दालाई नजिकबाट नियाल्नुभएका अधिकारीले आफूले सञ्चार क्षेत्रबाट हासिल गरेको अनुभवलाई पार्टी संगठन र नीति निर्माणमा उपयोग गर्ने बताउनुभएको छ । उहाँको उम्मेदवारीलाई पत्रकारिता, युवा पुस्ता र पार्टी संगठनबीचको सम्बन्धलाई थप बलियो बनाउने प्रयासका रूपमा समेत प्रस्तुत गरिएको छ ।
अधिकारीको राजनीति यात्रा
युवा पुस्ताले नेतृत्वमा अवसर पाउनुपर्ने बहस भइरहेका बेला अधिकारीको महाधिवेशन प्रतिनिधि सदस्य पदको उम्मेदवारीलाई पनि यही परिवेशसँग जोडेर हेरिएको छ । लामो समय सञ्चार क्षेत्रमा काम गरेर सार्वजनिक बहस र नागरिकका सवाललाई नजिकबाट बुझ्नुभएका अधिकारीले पार्टीभित्र नीति, विचार र संगठन निर्माणमा युवाको सहभागिता बढाउनुपर्ने धारणा राख्दै आउनुभएको छ ।
नेपाली कांग्रेसको महत्वपूर्ण नीति तथा निर्णय गर्ने संरचनामध्ये एक भएकाले त्यहाँ युवा पुस्ताको अर्थपूर्ण सहभागिताले पार्टीको आगामी राजनीतिक दिशा, नीति र संगठनात्मक प्राथमिकतामा नयाँ पुस्ताका सवाललाई स्थान दिन सक्ने अपेक्षा गरिएको छ ।
अधिकारीको राजनीतिक यात्राको अर्को महत्वपूर्ण पक्ष उहाँको पत्रकारिता पृष्ठभूमि हो । पत्रकारीतामा एम एड सम्मको शिक्षा लिनुभएका अधिकारी बौद्धिक युवा नेताको रुपमा परिचित हुनुहुन्छ । सञ्चारमाध्यममा लामो समय काम गर्दा उहाँले विभिन्न क्षेत्रका विज्ञ, राजनीतिक नेतृत्व, जनप्रतिनिधि तथा नागरिकसँग प्रत्यक्ष संवाद गर्ने अवसर पाउनुभएको छ ।सार्वजनिक नीति, सुशासन, स्थानीय सरकार र विकासका सवालमा समाचार तथा सामग्री उत्पादन गर्दै आएको अनुभवले राजनीतिक नेतृत्वका लागि आवश्यक संवाद र विषयगत बुझाइ विकास गर्न सहयोग पु¥याएको अधिकारीको धारणा छ ।पछिल्लो समय स्थानीय तहदेखि राष्ट्रिय राजनीतिसम्म युवाहरूले परम्परागत राजनीतिक शैलीभन्दा फरक सोच, स्पष्ट दृष्टिकोण र परिणाममुखी कामको अपेक्षा गरिरहेका छन् । यही परिवेशमा आफ्नो पत्रकारिता अनुभव, संगठनात्मक सक्रियता र सामाजिक क्षेत्रसँगको सम्बन्धलाई पार्टी राजनीतिमा उपयोग गर्ने अधिकारीको प्रयास देखिन्छ ।
अधिकारी नेपाल नगरपालिका संघको सल्लाहकारका रूपमा समेत काम गरिरहनुभएको छ । स्थानीय सरकार र जनप्रतिनिधिसँगको सहकार्य तथा संवादका क्रममा उहाँले स्थानीय तहका समस्या, अवसर र नीतिगत विषयलाई नजिकबाट बुझ्ने अवसर पाउनुभएको छ ।
कांग्रेसको १५ औँ महाधिवेशनमा विभिन्न तहमा युवा पुस्ताका नेता तथा कार्यकर्ताले नेतृत्वका लागि दाबी प्रस्तुत गरिरहेका छन् ।धादिङमा पनि वडा तहदेखि क्षेत्रीय तथा जिल्ला तहसम्म युवाहरूको सक्रियता देखिएको छ ।यसले कांग्रेसभित्र नेतृत्व हस्तान्तरण, पुस्तान्तरण र नयाँ राजनीतिक संस्कारको बहसलाई थप अगाडि ल्याएको छ । युवा पुस्ताले नेतृत्वमा आउन चाहनु मात्र पर्याप्त नभई उनीहरूलाई संगठन निर्माण, नीति निर्माण र निर्णय प्रक्रियामा जिम्मेवारी दिनुपर्ने विषय पनि महाधिवेशनको महत्वपूर्ण बहसका रूपमा देखिएको छ ।अधिकारीको महाधिवेशन प्रतिनिधिमा सदस्य पदको उम्मेदवारी पनि यही बहसको एउटा हिस्सा हो ।
लामो समय पत्रकारिता, सामाजिक क्षेत्र र स्थानीय शासनसँग जोडिएर काम गरेका अधिकारीले अब पार्टीको नीति निर्माण र संगठनात्मक भूमिकामा आफूलाई सक्रिय बनाउने प्रयास गर्नुभएको छ । महाधिवेशन प्रतिनिधिमा निर्वाचित भए पार्टीको नीति निर्माणमा युवाका सवाललाई प्राथमिकताका साथ उठाउने, संगठनलाई समयअनुकूल बनाउने तथा पार्टी र नागरिकबीचको सम्बन्धलाई थप मजबुत बनाउने विषयलाई प्राथमिकतामा राख्ने उहाँको भनाइ छ ।
