नीलकण्ठमा शिक्षाको प्रकाश छरेर विदाई भए बरिष्ठ शिक्षा अधिकृत प्रकाशदत्त भट्ट

धादिङ, ३० असार
नीलकण्ठ नगरपालिकाका बरिष्ठ शिक्षा अधिकृत प्रकाशदत्त भट्ट नीलकण्ठबाट सरुवा हुनुभएको छ । नीलकण्ठ नगरपालिकाको करिब ४ बर्षको बसाई पछि गोदावरी नगरपालिकामा सरुवा भएर जानुभएको हो । नीलकण्ठ नगरपालिकाको बरिष्ठ शिक्षा अधिकृतको रुपमा काम गर्नुभएका भट्टले नगरको शिक्षामा गुणात्मक सुधार गर्नुभएको छ । स्पष्ट बोल्ने र काम प्रति ईमान्दारीता देखाउने भट्टले अनिवार्य तथा निशुल्क शिक्षा कार्यन्वयन र शैक्षिक गुणस्तर अभिबृद्धिमा ठुलो भुमिका खेल्नुभएको थियो । शिक्षा सुधार भए मात्र विकासको गति परिवर्तन हुने सोच राख्ने भट्टले शिक्षा सँगै खेलकुद विकासमा समेत अग्रणाी भुमिका खेल्नुभएको थियो ।