रास्वपा धादिङको प्रथम जिल्ला अधिवेशन सम्पन्न, सभापतीमा राजन अर्याल निर्वाचित

धादिङबेशी, २४ जेष्ठ । राष्ट्रिय स्वतन्त्र पार्टी (रास्वपा) धादिङको प्रथम जिल्ला अधिवेशनबाट सभापतीमा राजन अर्याल निर्वाचित हुनुभएको छ । आज सम्पन्न अधिबेशनबाट राजन अर्यालको सभापतित्वमा नयाँ कार्यसमिति चयन भएको हो ।

पार्टीको उपसभापति श्रवण कुमार त्रिपाठी, सचिवमा राम भण्डारी र सह–सचिवमा श्रीराम आचार्य निर्वाचित हुनुभएको छ । त्यसैगरि सदस्यहरुमा उषा कार्की,रामकृष्ण स्वार परियार,सुन्दर अधिकारी,मदन भण्डारी निर्वाचित हुनुभएको छ ।

धादिङ क्षेत्र न १ को क्षेत्रिय संयोजकमा रामजी प्रसाद पाठक सह संयोजकमा अमृता केसी,क्षेत्र न २ संयोजकमा राजेन्द्र अधिकारी र सह संयोजकमा ओम प्रसाद कार्खेती निर्वाचित हुनुभएको छ ।

अधिबेशनबाट क्षेत्रिय सचिवमा प्रवेश धरेल र क्षेत्रिय सदस्यमा माधवराज अधिकारी रहनुभएको छ ।