एमाले उम्मेदवार धनबहादुर घलेलाई खाल्टेमा भव्य स्वागत

धादिङ, फागुन १३ गते ।
निर्वाचन नजिकिँदै गर्दा उम्मेदवारहरु मतदाता भेटघाट र घरदैलो अभियानमा सक्रिय छन् । धादिङ क्षेत्र नम्बर २ का नेकपा एमाले उम्मेदवार धनबहादुर घलेलाई मतदाताहरुले स्वागत गर्दै नागरिकका समस्यामा अडिक रहन आग्रह गरेका छन् ।

साविक खाल्टे गाविस पुग्नुभएका घलेले पूर्व गाविस उपाध्यक्ष रामबहादुर गुरुङको शालिकमा माल्याणपण गर्दै घलेले एमालेका अग्रजले देखाएको समृद्धि र परिवर्तनको बाटोमा लाग्ने र विकासका काममा कुनै सम्झौता नहुने बताउँदै जनताका सुझाव कार्यान्वयन गर्ने प्रतिवद्धता व्यक्त गर्नुभयो।

खाल्डेको डाडाँगाउँ, धुसेनी, पतेनी, पात्ले, लगायतका स्थानका मतदाताहरुसंग भेटघाट गर्दै स्वास्थ्य खानेपानी, शिक्षा एमालेको प्राथमिकतामा भएकोले एमालेलाई जिताउन आग्रह गर्नुभयो ।