तिप्लिङमा रामबहादुर भण्डारीको प्रतिबद्धता – पूर्वाधार, कृषि र पर्यटन विकासमा जोड

धादिङबेशी । जनताको जीवन व्यवहारमा सकारात्मक परिवर्तन ल्याउने प्रतिबद्धता व्यक्त गर्दै नेपाल कम्युनिष्ट पार्टी (नेकपा) धादिङ–२ का उम्मेदवार राम बहादुर भण्डारीले रविभ्याली गाउँपालिकाको वडा नम्बर १ र २, साविक तिप्लिङ क्षेत्रमा मतदातासँग साक्षात्कार गर्नुभएको छ ।

भेटघाटका क्रममा उम्मेदवार भण्डारीले ऐन, कानुन तथा नीति निर्माणमा जनमैत्री भूमिका निर्वाह गर्ने प्रतिबद्धता जनाउनुभयो । विकास पूर्वाधारलाई प्राथमिकतामा राख्दै सडक सञ्जाल विस्तार, टेलिफोन तथा सञ्चार सेवा सुधार, हाइड्रो परियोजना प्रवद्र्धन तथा पर्यटन क्षेत्रको विकासमा विशेष पहल गर्ने उहाँको भनाइ थियो ।

त्यस्तै, किसानको हितमा लक्षित कार्यक्रम सञ्चालन, चौरी खर्क व्यवस्थापनका नमुना योजना कार्यान्वयन तथा स्थानीय कला–संस्कृति संरक्षणका लागि सांस्कृतिक सङ्ग्रहालय स्थापना र धार्मिक क्षेत्रको संरक्षण तथा विकास गर्ने योजना पनि अघि सार्नुभएको छ ।

कार्यक्रममा सहभागी स्थानीय मतदाताले भण्डारीका प्रतिबद्धता र योजनालाई सकारात्मक रूपमा लिँदै समर्थन जनाएका छन् । उम्मेदवार भण्डारीले आफूलाई जनताको सेवकका रूपमा प्रस्तुत गर्दै समग्र क्षेत्रको आर्थिक, सामाजिक तथा सांस्कृतिक विकासका लागि निरन्तर काम गर्ने प्रतिबद्धता दोहो¥याउनुभयो ।