धादिङ महोत्सवमा आज बद्री पंगेनी र प्रिति आले आउने

धादिङबेशी । धादिङबेशीमा माघ १५ गतेदेखि संचालन भैरहेको धादिङ महोत्सव जारी रहेको छ । दैनिक राष्ट्रिय तथा स्थानियकलाकारहरुले दर्शकको मन तानिरहेको धादिङ महोत्सवमा आज बद्री पंगेनी, प्रिति आले र बिन्दा परियार लगाएतका कलाकार आउने आउने भएका छन् ।

बुधबार धादिङ महोत्सवमा नवराज काप्री ’भाले’, प्रदिप बराइली,रमेशराज भट्टराई,इप्सल सन्ज्याल,बिन्दा परियार,सुमित्रा तामाङ,अविरल मगर लगाएतका कलाकारहरुले दर्शकको मन तानेका थिए ।
माघको चिसो मौसममा पनि धादिङबेसीको महोत्सव स्थलमा भने संगीत र व्यापारको तातो माहोलले छाएको महोत्सव अवलोकनकर्ताहरुको भनाई छ ।

धादिङ जिल्लाको दिगो विकास र आर्थिक सुदृढीकरणलाई केन्द्रमा राख्दै “धादिङको दिगो विकास र अर्थतन्त्रको आधार, कृषि, पर्यटन, जलस्रोत तथा उद्योगको पूर्वाधार” भन्ने मूल नारासहित सञ्चालन भइरहेको दशौँ धादिङ महोत्सवमा बुढीगण्डकी जलाशययुक्त आयोजना निर्माण कार्य शीघ्र अघि बढाउन दबाब दिने उद्देश्यले हस्ताक्षर अभियान सञ्चालन भैरहेको छ ।