धादिङका चार पत्रकार सम्मानित

धादिङ,१९ माघ ।
नेपाल पत्रकार महासंघ जिल्ला शाखा धादिङले जिल्लामा क्रियाशील चार जना पत्रकारलाई विभिन्न विधामा सम्मान गरेको छ। जिम्मेवार पत्रकारिता, निर्वाचन रिपोर्टिङ र सामाजिक सञ्जालको प्रयोगसम्बन्धी अन्तरक्रिया तथा पुरस्कार अर्पण कार्यक्रममार्फत धादिङलाई कार्यक्षेत्र बनाएर पत्रकारिता गरिरहेका पत्रकारहरूलाई पुरस्कृत गरिएको हो।

कार्यक्रममा राजेन्द्रप्रताप शाह स्मृति पत्रकारिता पुरस्कार केशव अधिकारीलाई, सीताराम वर्मा स्मृति स्वास्थ्य पत्रकारिता पुरस्कार पोषनाथ अधिकारीलाई, विकास पत्रकारिता पुरस्कार राजन अधिकारीलाई र शालिकराम वर्मा स्मृति पत्रकारिता पुरस्कार रामबहादुर ठकुरी ‘आशिष’लाई प्रदान गरिएको छ।

यसै अवसरमा नेपाल पत्रकार महासंघ धादिङले आफ्नो आधिकारिक वेबसाइट www.fnjdhading.org को  विधिवत् सुरुवात गरेको छ। वेबसाइटमा महासंघका गतिविधि, इतिहास, सदस्यहरूको विवरण तथा सञ्चारसंस्थासम्बन्धी जानकारी समावेश गरिएको नेपाल पत्रकार महासंघ धादिङका अध्यक्ष सीताराम अधिकारीले जानकारी दिनुभयो।